Skihpároktavuohta

Lea dehálaš ahte dus leat skihpárat ja ahte it dovdda iežat okto. Ii leat álo álki doa lahit skihpáriid ja muhtimin ferte ieš leat doaimmalaš ja ohcat skihpáriid. Searvva muhtin valástallansearvái dahje muhtin friddjaáiggedoibmii. Gullevašvuođadovdu dán agis lea dehálaš. Lea buorre gullat ahte earát dutnje liikojit. Dalle lea dehálaš atnit muittus ahte jos don ieš álcet liikot, de earát ge dan dahket. Jos leat bealkálaš ja mendo cuiggolas dahje iešberošteaddji, de ii leat sihkkar ahte skihpár oktavuohta bistá.

Skihpárat leat dábálaččat seamma ceahkis go don, dahje dis leat sullii seamma beroštumit, dahje orrubehtet seamma gilážis. Buorre skihpár lea son geainna don sáhttát digaštallat ja ságastallat vaikko maid ja muitalit čiegusvuođaid. Buorit skihpárаt maiddái dohkkehit du nu mo don leat oaidnit, mo don gárvodat ja maid don liikot bargat.

Eatnašat buohtastahttet iežaset bivnnuheamos skihpáriiguin. Gárvodit nu go sii, láhttetjit ja hállat dahje hupmet nu go sii, bargat dan seammá go sii. Lea ollu dehálat maid skihpárat oaivvildit, go maid eadni, áhči ja eará rávisolbmot oaivvildit. Gáibida duostilvuođa dadjat II go skihpárat geahččalit oažžut du dahkat juoiddá maid don it háliit. Dakkár dagut sáhttet leat dego borgguhit, lovpet skuvllas, dahje gárihuhttinmirkkuid geahččaladdat. Dáhpáhuvvá maid ahte nuorat dovdet deattu dasa ahte seksuálalaččat ovttastallat, jos vel eai áiggoše, dahje háliit dan.