Beakkálmasat máidnosiin
Beakkán válašállit leat dávjá sponsejuvvon ovtta dahje máŋgga fitnodagas. Sii ožžot ruđaid fitnodagain vai geavahit fitnodaga rusttegiid dahje biktasiid main fitnodaga logo lea oidnosis. Dávjá dahket fitnodagat soahpamušaid olles joavkkuiguin. Dalle fertejit buot válašállit dan joavkkus geavahit fitnodatmearkkaid biktasiin.
Sponsen lea oalle čielga máinnusvuođki maid ollugat dovdet. Muhto beakkálmasaid sáhttá geavahit máŋgga láhkai máidnosis. Beakkálmasat ja bivnnuhis olbmot sáhttet ovdamearkka dihte oažžut nuvttá buktagiid fitnodagain. Ollugat sis geat háliidit leat seammaláganat go sii, oššet danne seammalágan buktagiid.
Dihttet go?
Norggas ii leat lohpi máinnustit buktagiid mat leat jurddašuvvon mánaide.
Dáhpáhuvvá maid ahte máinnusdahkkit dutket nuoraidjoavkkuid. Sii háliidit gávnnahit geat leat nuoraidjoavkkuid jođiheaddjit. Bivnnuheamos jođiheaddjit dáid joavkkuin sáhttet oažžut valáštallanbiergasiid, gárvviid dahje máktelefonvna nuvttá. Dáinna lágiin sii ožžot earáid oastit seammalágán biergasiid dahje telefovvna. Muhto sii gal dieđusge ieža fertejit daid oastit!
FÁKTÁSTOBE – MÁINNUS
Máinus ja márkanastin galgá oažžut olbmuid oastit dihto buktaga.
Sii geat galget márkanastit buktaga, ráhkadit plána.
Dalle sii mearriditgeaid galget sii olahit (ulbmiljoavku)
maid hāliidit muitalit (diehtu)
gos áigot máinnustit (makkár máinnuskanálaid)
Máinus geavaha iešguđetlágan gaskaomiid váikkuhit olbmuid:
Buktaga namma ja logo maid ulbmiljoavku jáhkimis liiko.
Bajičállagat ja govat mat ožžot olbmuid bisánit ja geahčastit (čalbmaičuoһcci)
Leaikkastallan, suohtastallan
Čáppa, movttegis, šödes olbmot neavttáiin
Popmusihkka
Positiviilaš sánit
Fáktadiedut
Čájehit buktaga TV:s ja filmmain mii ii leat máinus (buvtta-ovddideapmi)
Juohkit nuvttá biergasiid beakkálmasaide ja bivnnuhis olbmuide (beakkálmasmáinnus)