Ovttaseallin
Ovttaseallin lea go guokte olmmo deaivvadeaba, ráhkisteaba gudet guoimmi ja hāliideaba eallit ovttas ja oažžuba mánaid. Soai dalle náitaleaba dahje dahkaba searvevuđasoahpamuša. Du váhnemat, dahje fuolaheaddjit leaba okti deaivvadan ja mearridan eallit ovttas ja oažžut ja dikšut oktasaš mánaid. Dii dál eallibehtet ovttas. Ii leat álǭki leat ovttaoaivilis ja soabadit váhnemiiguin, oappáiguin ja vieljaiguin, ja dat lea áibbas dábálaš.
Muhtin olbmot vállljejit guoimmi nuppi sohkabealis ja earát fas vállljejit guoimmi seammá sohkabealis. Bárat geat leat seammá sohkabealis ja háliidit mánaid oažžut, ferteba adopteret dahje nissu ferte goanstta láhkai šaddat áhpeheapmin. Dávjá dáhpáhuvvá maid ahte olbmot earránit ja gávdnet odda ealošteaddji dahje guoimmi geainna náitalit dahje sohpet ássat ovttas. Mánát ožžot «ođđa» dahje lassi oappáid ja vieljaid.
Muhtin olbmot válljejit eallit okto.
Servodagas lea dábálaš ahte olbmot válljejit eallima mii sidjiide heive buoremusat. Ovttaseallin gáibida ahte mii váldit vuhtii gudetguimmiid dárrbuid, ja dohkkehit ahte mii leat sierraláganat.
Lea áibbas lunddolaš ahte muhtimin šaddet riiddut go olbmot galget ovttas eallit.
Juhán lea 11 jagi ja sus leat guokte áhči: Ovllá ja Piera. Juhán lea adopterejuvvon. Dat mearkkaša ahte su biologalaš eadni ja áhčči eaba leat dovdosit. Ovllá ja Piera ráhkasmuvaiga ja fárriiga oktii. Muhtin áigi manai, ja soai háliideigga maná. Soai adopteriiiga Juhána. Ovllá ja Piera šattaiga Juhána váhnemin.
Juhána mielas ii leat imáš ja ártet ahte su váhnemat leaba homofiillat. Son ii sáhte árvvoštallat lea go dat fuonit vai buoret go guokte váhnema goappat sohkabealis.