Čoahkkáigeassu - Ráddi ii buole okto
Ráhkásmuvvan
Ráhkásmuvvat lea liikot muhtin niidii dahje gándii eambbo go earáide. Šaddá buorre dovdu go lea lahka su geasa lea ráhkásmuvvan ja háliida leat lahka su oba áigge. Eanaš nieiddat ráhkásmuvvet gánddaide ja eanaš gánddat ráhkásmuvvet nieiddaide. Dat gohčoduvvo namain heterofiila. Muhtin nieiddat ráhkásmuvvet nieiddaide, ja muhtin gánddat ráhkásmuvvet gánddaide. Dat gohčoduvvo namain homofi ila. Muhtimat fas sáhttet goappaš sohkabeliide ráhkásmuvvat. Dat gohčoduvvo namain bifiila.
Ovttaseallin
Ovttaseallin lea go guokte olbmo deaivvadeaba, ráhkisteaba guđet guoimmi ja háliideaba eallit ovttas. Soai dalle náitaleaba dahje dahkaba searvevuođasoahpamuša. Olbmot válljejit dan ovttaseallinvuogi mii sidjiide heive buoremusat. Muhtimat ásahit stuorra bearrašiid ja earát fas válljejit eallit okto. Ovttaseallin ii leat álo álki, go eai buohkat leat álo ovttaoaivilis.
Skihpároktavuohta
Skihpárat leat sii geaidda mii liikot, geain mii áinnas ovttastallat ja geain mii beroštit. Skihpárat šaddet dehálaččat dađe mielde go stuorrut. Skihpárat dohkkehit du nu mo don leat oaidnit ja gárvodan ja maid don liikot borrat ja bargat. Skihpárat leat dávjá seammá ahká saččat ja vázzet seammá skuvllas. Dávjá sii oassálastet seammá friddjaáiggedoaimmaide. Muhtimin geavvá ahte skihpárat dáhttot du searvat áššiide maidda don it háliit searvat. Dat sáhttet leat áššit nu mo borgguhit duhpáha, givssidit unnoraččaid, dahje suoládit. Lea dehálaš dál jo mearridit ahte jos nu geavvá, de galgá vástidit ii.
Go mánát ollejit dan ahkái mas don leat dál, lea dábálaš ahte muhtin skihpároktavuođat nohket ja eará ja ođđa skihpároktavuođat šaddet.
