Máilmmiviidosaš eamiálbmogiid organisašuvnnat
Máilmmiviidosaš eamiálbmogiid organisašuvnnat barget ovttas čalmmustahttit eamiálbmogiid vuoigatvuođaid. Dan sii dahket iešguđet láhkai. Muhtimat čuvvot mielde ja raporterejit láhkarihkkumiid ON:ii. Earát fas barget riikkaid eiseválddiid ektui ja geahččalit oažžut sin rievdadit ja dohkkehit lágaid mat buoridit eamiálbmogiid vuoigatvuođaid.
|
Image
Amazonas eamiálbmot. Image
Indiánat, Lulli-Amerihká eamiálbmot. Peru. |
Image
Masaiálbmot lea eamiálbmot Afrihkás. |
Inuihtta-nisu oktan mánáin. Inuihtat leat Ruonáeatnama ja Alaska eamiálbmot.
Sámediggi sádde olbmuid čoahkkimiidda, ja sii leat Norgga eamiálbmoga ovddasteaddjit. Sii ovddastit sámiid beroštumiid ja veahkehit eará eamiálbmogiid olahit sin vuoigatvuođaid. Norgga sámit barget ovttas Ruoŧa, Suoma ja Ruošša sámiiguin áššiiguin mat gusket buot sámiide.
Eamiálbmot lea álbmot mii lea nu guhká ássan muhtin guovllus ahte dat leat ovddidan máhtu ja diehtaga das mo birget ja eallit luondduin dan guovllus.
Máilmmis gávdnojit iešguđetlágan eamiálbmogat. Sii ásset iešguđet guovllus máilmmis ja danne sin eallin lea máŋgga dáfus hui sierralágan. Datte leat
sis iešvuođat ja dilit mat leat sullasaččat. Ollugat sis leat koloniserema geažil gillán veahkaválddi, bággofárremiid ja muhtimat sis maiddái sođiid ja goddimiid. Riikkaid eiseválddit navdet eatnamiid gullat sidjiide, ja ahte sii sáhttet daid ávkkástallat nu go ieža háliidit, jearakeahttá eamiálbmogiin. Dainna lágiin eamiálbmogiid eallinvuogit áitojit go eatnamat mat leat sin birgenláhki, billašuvvet.
|
Image
Máilmmi eamiálbmogat čoahkkanan Áltái. Sii digaštallet mo čoavdit hástalusaid mat gusket buot eamiálbmogiidda. Dakkár áššit sáhttet leat vuoigatvuođat eatnamiidda ja čázádagaide, dahje giella ja oahpahus. 2013.
|
|
Image
Sámeráđi logo.
|