Sámit – eamiálbmot

Buot servodagain leat muhtin iešvuođat mat eai gávdno eará servodagain. Sámi servodagas leat muhtin iešvuođat mat eai gávdno eará servodagain. Sis leat iežaset árbevierut, eallinvuogit, giela ja historjá. Dan dihte go sámi servodagas leat uhccán olbmot ja go sii leat gullevaččat njelji riikii, de muhtimat ballet ahte árbevierut, eallinvuogit ja giela nohket ja jávket. Davviriikkaid eiseválddit leat ásahan sierra lágaid ja njuolggadusaid mat suodjalit sámi eallinvuogiid ja árbevieruid, vai dat eai noga ja jávkka.

Sámit leat Davviriikkaid ja Eurohpa aidna eamiálbmot. Eamiálbmot leat olbmot geat ásse muhtin geográfalasš guovllus ovdal go eará álbmogat bohte. Sii leat guhkes áiggiiid čađa ovddidan iežaset eallinvuogiid, birgenlági, servodagaid ja kultuvrra. Daddistaga ásaiduuvve eará álbmogat ja válde fámu sin guovlluide badjel. Amas álbmoga eiseválddit bággedje sámiid iežaset oskku, giela ja dábiid guodđit. Dasa lassin vel válde sámiin eatanmiid ja guovlluide ja gohčodedje daid sin. Dát gohčoduvvo koloniseremin, ja dat lea dápáhuvvan ollu eará máilmmi eamiálbmogiidda maiddaí.

Sámit dovdet historjjálaš joavkooktavuođa iežaset searvvuhtii ja kulturvrii. Sis lea eará giel la ja kultuvra go sis geat dál ráđđejit daid riikkain. Sii vigget ealáskahhttit, doalahit ja ovddidit mátuid kultuvrra ja giela. Ollugat leat koloniserema geažil massán gielaset, identitehta, ja eatanmiid ja daid riggodagaid.