Sámegiela

Sámegiella lea sámiid iežaset giella. Dat sierrana áibbas riikkaid válldogielain. Sámegielas leat ollu sánit mat muitalit luonddubargguid, duovdagiid ja girjáivuođa birra. Sámegielas leat ollu iešgudetlágan suopmanat. Suopmanat šadde go sámit guhká ásse bieđgguid. Sámegiella lei guhká dušše njálmmálaš giella. Ollu máidnasat leat áiggid čađa muitaluvvon dollagáttiin, lávuin ja gođiin. Nu dat leat seilon buolvvas bulvii gitta otnáži.

Dáđistaga go servodat rievd dai, de muhtimat dahke sáme gielas čállingiela. Dalle šáhtii dan lohkat ja olbmot ohppe čállit sámegiela. Dan rájes leat ollu máidnasat ja muitalusat čállon. Dál sáhttit mii máidnasiid ja muitalusaid oahppat ja lohkat, jos vel eat šatta ge dollagáttis čohkkát ja gullat daid. Sámegiella oidno ja gulo sihke TV:s ja radios, ja ollu čállagiid ja girjjiid sáhttá lohkat sámegilli. Ohppiin lea dál vuoigatvuohta oahppat sámegiela lohkat ja čállit skuvllas, ja oahpahusa oažžut sámegillii. Juste nu mo don dál dagat.