OECD ja EFTA/EEO

OECD

Máilmmi riggámus ja demokráhtalaš riikkat leat ásahan searvvi maid gohčodit namain: OECD. OECD mearkkaša: The Organization for Economic Cooperation and Development. OECD-lahttoriikkat barget ovttas buoridit gávppašeami riikkaid gaskka ja ekonomalaš ovdáneami.

EFTA/EEO

Eanaš Eurohpá riikkat leat EO:a. miellahtut. Muhtin riikkat eai leat das mielde. Dat leat Norga, Liechtenstein ja Šveica. Sii leat mielde muhtin searvvis mas lea namma EFTA. EFTA-leat riikkat mat eai leat EO-lahtut. EFTA lea ožžon lobi leat fárus EEO:s. EEO mearkkaša Eurohpá Ekonomalaš Ovttasbargosearvi, ja lea ásahus mas buot EO ja EFTA riikkat leat mielde vuovdimin ja oastimin gálvvuid guđet guimmiin. Ollu biillat mat vuojašit Norggas, leat boahtán Duiskkas. Daid lea Norga oastán Duiskkas vai olbmot Norggas sáhttet mannat biilagávpái oastit dakkár biilla. EEO-riikkat barget ovttas maiddái dutkanbargguin ja luonddugáhttemiin. Olbmot geat ásset EEO-lahttoriikkain, sáhttet friddja johtit Eurohpá riikkaid gaskkas, sihke turistan ja bargin.