ILO konvenšuvdna nr. 169
ON:a ILO kommišuvdna vuođđudii geassemánu 28. beaivvi 1989:s muhtin konvenšuvnna. Das šattai namma ILO-konvenšuvdna nr. 169, ja dat goziha ahte eamiálbmogiid vuoigatvuođat galget bissut. Norga dohkkehii konvenšuvnna geassemánu 20. beaivvi jagi 1990. Suopma ja Ruoŧŧa leat dáid áiggiid digaštallamin galget go dohkkehit soahpamuša.
Sámegiella galgá gullot ja oidnot sihke skuvllain ja muđuid servodagas. Sámi joatkka- ja boazodoalloskuvla.
Sámi báikenamat galget oidnot galbbain ja kárttain.
Boazodoallu lea sámi árbevirolaš luondduealáhus.
Norga dohkkehii soahpamuša go sin eamiálbmot leat sámit. Dat mearkkaša ahte ILOkonvenšuvdna guoská Norgga sámiide. Dán láhkai áigu Norgga stáhta veahkehit sámiid bisuhit, várjalit ja nannet daid vuoigatvuođaid. Muhtin eami álbmotvuoigatvuohta lea:
Buot eamiálbmogiin lea vuoigatvuohta geavahit, ođasmahttit ja fievrridit boahttevaš buolvvaide iežaset máidnasiid, gielaid, njálmmálaš árbevieruid, jurd dašanvugiid, čállinvugiid ja girjjálašvuođa. Sin báikenamat ja nammadanvierut galget bisuhuvvot ja várjaluvvot.
Gávdnojit ollu eará eamiálbmotvuoigatvuođat. ILO- konvenšuvdna nr. 169 lea leamaš buorre sámiide danne go dat lea leamaš vuođđun ealás kahttit ja nannet sámi vuoigat vuođaid ja sámi kultuvrra. Maiddái eará eamiálbmogat máilmmis atnet ávkki soahpamušas.