Bargobihtát – Ráddi ii buole okto

Ohcci

Loga čoahkkáigeasu s. 58 ja vástit.

1. Mii lea ráhkásmuvvan?

2. Čilge sániid heterofiila, homofiila ja bifiiia!

3. Geat leat skihpárat?

4. Maid galggat vástitit jos hástaluvvot searvat áššiide maidda it hálit searvat?

Dahkki

Dutkka, daga ja oahpa eambbo

1. Loga girjji Fastteshurvi maid Jens Martin Mienna lea čállán. Davvi Girji. 2005. Ságastehket dan birra makkár iešvuodat Fastteshurvvis leat!

2. Dolin lei dábálaš ahte eadni, áhčči ja mánát ja soite vel áhkut, ádját ja eagit dahje čeažit ja goaskkit ja muoŧát ja oarpmealit/oambealit ja vilbealit ásse ovtta dálus. Dat lei sin bearaš. Dál lea bearaš dábálaččat eadni, áhčči ja mánát. Datte muhtin bearrašiin lea dušše áhčči dahje eadni ja mánát. Muhtin bearrašis fas guokte eatni dahje guokte áhčči ja mánát. Mo jáhkkiibehte sáhttá čuohcat mánáide muhtin bearrašis, jos sii dovdet ahte sin bearašhápmi ja vuohki eallit ovttas ii leat seammá árvvolaš go eará bearašhámit servodagas?

Dutki

1. Válljejehket girjjiid ja teavsttaid mat muitalit álbmogiid birra mat ellet eará guovlluin máilmmis! Ságastehket dan birra mo sii ellet, jurddašit ja vásihit dáhpáhusaid!