Čoahkkáigeassu – Sámi servodaga váldoiešvuođat

Čoahkkáigeassu – Sámi servodaga váldoiešvuođat

Sámi servodat lea bieđganan viiddis guovlluide, ja sii leat eamiálbmogat sikhke Norggas, Suomas, Ruotás ja Ruoššas. Jos vel leat ge biedganan njealji riikki, de sis leat muhtin oktasaš váldoiešvuođat mat gávdnojit dušše dán servodagas. Ahte sámit leat eamiálbmogat, sámi luondduhealáhusat, duodji, luohti, luondduosku ja sámegielat leat sámi servodaga váldoiešvuođat. Dat leat čuovvon olmuid eallima dološ áiggid rájes, ja dat leat rievdan servodaga rievdadusaid mielde.
 

Sámi servodat rievdá

Buot servodagat mat dál doibmet, leat ealli servodagat, ja danne dat rivedet. Sámi servodat lea ealli servodat gos leat sámit geat smihttet, ohppet, jurddašit, árvvostallet ja digaštallet ja deaivvadit earágiiin. Danne dat maiddaí rievdá. Politihkkárat ja olmmoš geat beroštit sámi servodagas, leat mielde ođasmahttimin ja ealáskahttimin sikhke duoji, luondduealáhusaid, luđiid, teknologiija ja sámegiela dáđe mielde go servodat rievdá. Dalle dat maid rivdet ja bissu boahteáigái.
 

Identitehta ja kultuvra

Juohke olmmoš lea erenoamáš, ja ii oktage máilmmis leat nu mo juste don. Du iešvuođat maiguin don riegádit, ja lagaš olbmot du birra leat mielde hábmemin du. Don riegádat muhtin bearrašii ja stuorut ja johtigoađát lagašservodagas ja oaččut skihpáriid. Don dovddat gullevašvuođa dan báikái ja guvlui gos don ásat ja daid olbmuide ja skihpáriidda geaiguin don ovttastalat. Dis leat seammá áddejumit servodatáššiide ja njuolgga dusaide.
Visot dát lea mielde huksemin du identitehta ja kultuvrra. Ollugat šaddet bajás máŋgga kultuvrras. Sii sáhttet válljet identifiseret iešguđet láhkai. Dávjá mii čájehit iežamet kultuvrraid ja identitehta govaiguin, gárvvuiguin ja eará symbolaiguin.