Mo gávpemedia govvida sohka beallereollaid
Media ráhkada gova ja hábme gova servodagas nu ahte mii gáddit buot nissoniin lea hápmi, ja ahte sii gárvodit ja jurddašit nu mo medias čájehuvvo. Dávjá dat čájeha ahte nissonat beroštit áššiin nu go ruoktku, bearaš, buhtisvuohta, mánát, biebmu, hárjehallan, vuoidasat, earáiguin ovttastallan, vuovttat ja biktasat.
Albmáid dahje dievdduid fas media dávjá govve nu ahte sii leat stuorrát, lášmadat, gievrrrat ja duostilat. Dávjá sii beroštit huksenreaidduin, valáštallamis ja teknologiijas, dego biillat, skohterat, máktelefonvnat, giehtadiimmut, dihtorat ja filmben- ja govvenrusttegat.
Maid dát máinnus vuovdá? Geat leat máidnosa ulbmiljoavkkus?
Maid dát máinnus vuovdá? Geat leat máidnosa ulbmiljoavkkus?
Filmmat ja TV-ráiddut govvidit albmáid dego sii geat suodjalit ja veahkehit nissoniid ja mánáid, ja hálddašit buotlágan teknologalaš reaidduid. Dávjá albmát geaid mii gávpemediain deaividit, leat čeahpit ja jierbmát go nissonat.
Dán láhkai media hukse midjiide vuordámušaid ahte nissoniin ja albmáin leat sierra beroštumit ja rollat servodagas.
Mo gávpemedia ja máidnosat váikkuhit min geavahandábiide
Gávpemedia hábme ja ráhkada niehkogova máilmmis. Dat lea dakkár govva mii ii leat duohta. Sii čájehit filmmaid ja TV-ráidduid main váldorollat ja bivnnuhepmosat leat čábbát, šođbadat, vitmadat, lihkolaččat ja «coola». Dávjá dát sáddejuvvojit TV:s juste daid áiggiid go skuvla nohká ja nuorat ollejit ruovttuide.
Fitnodagat mat vuvdet buktagiid, bálkáhit gávpemedia hábmet ja ráhkadit nieh ko gova máilmmis. Sii háliidit ahte mii gal gat oaidnit sin niehko máilmmi ja oastit sin buktagiid dainna jáhkuin ja doaivagiin ahte min eallin maid šattašii nu. Dát váikkuha garrasit ruhtageavaheapmái. Gii bat ii dáhto eallit lihkolažžan, leahkit bivnnut, ođđaáigásaš ja «coola»? Váldorollat ja bivnnuhis nuorat TVráidduin oamastit buot, ja sis eai leat čihkalasat ja vuodjavuovttat. Álo leat maid ođđa seamos bivttashámit ja buotlágan dávvirat. Máidnosat mat oidnojit bottuin, heivejit dan ulbmiljovkui geat gehččet dáid filmmaid. Dát vuoktashampoo ja duot vuoiddas dahje buvssat ja skuovat sáhttet veahkehit boahtit lagabui niehkomáilmmi, ja šaddat nu mo filbmanásttit. Dákkár geavahanminstara lea dábálaš olbmuide veadje meaht tun čuovvut. Datte eai buohkat ádde dan, ja sii sáhttet šaddat stuorra velggiid vuollái. Media lea buorre, ja mii dárbbašit dan diehtogáldun, gulahallamii ja guoimmuheapmái. Muhto dat sáhttá álkit «njáhkat» du millii ja fuomáškeahttá stivregoahtit du jurdagiid, geavahandábiid ja eallinvugiid. Lea dehálaš muhtimin bisánastit ja astat smiehtastit maid ieš oaivvilda iešguđet áššiid hárrái, ja dárbbašan go mun dán gálvvu? |
Image
Badjelmeare gávppašeapmi sáhttá dagahit olbmuid stuorra velggiidvuollái. Image
|