Čiegus máinnus

Go mii geahččat máidnosa dahje lohkat almmuhusa, de mii dábálaččat diehtit ahte dát lea máinnus. Mii diehtit ahte almmuhus dahje máinnus lea ráhkaduvvon váikkuhan dihte min oasit feara maid nu. Dalle mii diehtit ahte mii sáhttit válljet, galgat go diktit iežamet oasuhuvvot.

Muhto gávdno maidái máinnus maid gohčodit čiegus máinnusin. Go máinnus lea čihkkon, de mii eat dovdda dan máinnusin. Mii eat smiehta ahte muhtimat vigget váikkuhit min. Dalle lea mealgat álkit jáhkkit maid máinnus muitala. Gávdnojit máŋggalágan čiegus máidnosat, muhto erenoamášit buktagat maid ii leat lohpi máinnustit, leat dávjá čihkkon.

Buvttaovddideapmi

Stuorra fitnodagat sáhttet máksit miljovnnaid kruvnnuid vai bessed geavahit iežaset buktaga TV-programmas dahje filmmas mii ii leat máidnosis sáhka. Dovddus filmmat maid birra buohkat hálllet ja vurdet ilbmat kinos, ovdamearkka dihte James Bond filmain, oaidnit dávjá lahkagovaid rusttegiin maid James Bond geavaha. Dat sáhttet leat govvaapparáhta, máktelefovdna, biila, dihtor dahje juhkamuš man son juhká filmmas. Buktaga namma dahje logo oidno čielgasit. Sii geat ráhkadit buktagiid, leat máksán filmdahkkái vai čájehit sin buktaga. Dat gohčoduvvo buvttaovddideapmin. Mii geat geahččat filmma, eat smiehta dát lea máinnus.

Dákkár buvttaovddideapmi lea oalle dábálaš TV-ráidduin ja filmain mat čájehuvvojit miehtá máilmmi. Dutkan čájeha ahte buktagat mat leat oidnon dovddus kinofilmmain ja TV-ráidduin, leat bures vuvdon dalá maŋŋá premieara.

Čiegus máinnus. Daniel Craig, gii neaktá dovddus James Bond, čájeha dás muhtin giehtadiimmu mearkka.