Luondduealáhusat

Sámit leat luondduálbmot. Dat mearkkasá ahte sii leat álbgo-áiggid rajes oahppan iežaset luondduguovlluin atnit ávkki. Luondduš leat viežžan sihke biepmu, biktasiid ja ávdnasiid maid dárbbašedje. Borramuššan ledje sin guovlluid eallit, guolit, lottit, muorjjit ja šattut. Biktasiid dahke eilliid náhkiin, ja ávdnasiid dahke muoras, ruohttasiin, čorvviin, dávttiin, ulluin ja geađggis.

Boazodoallu lea erenoamáš ealáhus maid dušše sámit ja eará dávviguovlluid eamiálbmogat hálddašit ja máhttet. Dat gávdno dušše dávviguovlluin. Dađistaga leat luondduealáhusat rievdan ja heivehuvvon otná eallinvuohkái. Luondduealáhusa bargiin ferte leat stuorra beroštupmi ja dáhttu bargat ealáhusas. Muhtimat oahppagohtet ja hárjehallagohtet mánnán jo bargat ealáhusas. Dán láhkai sii sáhttet ealáhusa fievrridit bures ja máhtolaččat.

Boazodoallu lea sámi luondduealáhus.