Mia beaivegirji
Mia lea 13 jahkásaš nieida. Son čállá beaivegirjji juohke beaivvi. Ikte leimmet Ragnhildsiesá guossis. Son devddii 50 jagi. Jurddaš ahte son lea nu boaris. Son lea oaidnit nu nuorra. Mo son mun lean oaidnit go deavddán 50 jagi? Gádden ahte šattai ahkidis feasta, muhto dat ii lean ahkit. Deiven ollu oarpmeliid ja vilbeliid geaid in lean guhkes áigái oaidnán. Lei somá singuin háleštit fas. Ledje olu njálgga borramušat, ja eanaš ollesolbmot juhke ollu viinna. Lei eatni vuorru vuodjit biilla ruoktot, nu ahte áhčči jugai maid oalle ollu. Son šaddá nu ártet go juhká viinni. Muitala ollu ártegis muitalusaid, ja mun heahpanin. Muhto lei vearrát Erkkevilbealis. Su áhčči, Ovlláeahki, jugai nu ahte juhkaluvai áibbas. Son šaddá viehka ártet go juhkaluvvá. Hállá jitnosit, ja ollu duššiid. |
Image
|
Earát reške, muhto mun oidnen ahte Erkkes lei váivi, ja ahte sávai son sáhtášii dušše jávkat.
Lindas lea maid ná. Son muitalii eatnis birra, geas lea alla virgi ja miellagiddevaš bargu, muhto muhtumin juhká nu ollu ahte ii sáhte bargui mannat. Dalle ferte Linda leat ruovttus, ja veahkehit eatnis. Lea álki fuomášit Lindas go eadni lea juhkan. Dalle lea sus váivi. Ii ge šatta buoret das go gánddat hárdet ja givssidit su dainna. Sii dieđusge leat fuomášan mo dilli lea, jos vel Linda ii leat ge muitalan maidege. Dušše munnje lea muitalan. Liikká lea mu mielas boastut ahte earát galget hárdit ja givssidit su dainna. Ii leat mánáid sivva jos váhnemat juhket menddo ollu.
Rávisolbmot juhket menddo ollu. In sáhte áddet mii das lea nu somá. Jáhkán nuorat jurddašit eambbo jugešvuođa birra go rávis olbmot.
Oaidnaletne ihttin, ráhkis beaivegirji!
Dearvvašvuođadirektorahta.