Alkohola
Alkohola lea dat dábáleamos gárrenmirkko Eurohpás, ja lea geavahuvvon máŋggaid duháhiid jagiid. Alkohola lea lobálaš gárrenmirkko ja dan fidne oastit buvddas ja viidnagávppis. Fertet leat 18 jagi ovdal go fidnet oastit vuola dahje viinna.
Jos jugat alkohola, de gárihuvat. Alkohola rievdada miela, hejoda jurddašeami, muittu, ja spaktan nohká. Váikkuha maid dan láhkai ahte don jáhkát don máhtát ja hálddašat buot nu ollu buorebut. Jos eambbo vel juhká, de hedjona balánsa, lihkadeamit hedjonit ja loahpas nohkat.
Alkoholageavaheapmi ii váikkut dušše rumašlaš dearvvaš vuhtii. Maiddái sosiálalaččat ja psyhkalaččat sáhttá váikkuhit garrasit. Olbmot geat juhket dávjá ja badjelmeare ollu alkohola, gárihuvvet ja sáhttet láhttet apmasit, ja dahkat dakkár daguid maid eai áiggoše. Dat lea váivin ja lossadin sidjiide geat šaddet vásihit dán dávjá. Lihkohisvuođat ja vearredagut dáhpáhuvvet hui álkit jos lea juhkan menddo ollu alkohola. Dát lea stuorra váttisvuohtan servodahkii, ja olbmuide geat šaddet gillát dákkáriid. Juohke jagi jápmet Norggas birrasii 400 olbmo go leat juhkan menddo ollu.
Image
Image
Alkohola dahká ahte olmmoš juhkaluvvá dahje gárihuvvá. |
Image
Image
Image
Dávjá sáhttá áviissain lohkat vearredaguid birra maid olbmot leat dahkan go leat juhkan menddo ollu alkohola. |