Mii lea máinnus, ja mo dat váikkuha olmuid?

Máinnus lea almmuhus mii čájeha olmuidde muhtin buktaga maid fidne oasit. Máidnosiid sáhttit lohkat, gullat ja oaidnit juohke medias. Dat oidno ja gullo TV:s ja rádios, bládiin, áviissain ja interneahtas.

Mo šaddá máinnus?

Fitnodat mii áigu vuovdit buktaga, gávdná muhtin máinnus-fitnodaga dahje máinnusdahkki. Máinnusdahkki pláne mo son galgá oazžut olmuid oasit dán gálvvu. Son árvvoštallá buktaga ja dan mielde mearrida geat leat buktaga ulbmiljoavkkus. Heive go buvtta nuoraide, eamidiidda, bearrašiidda vai vuorasalmáide? Dasto son hábme teavstta dahje dahjahusaid mat muitalit eambbo buktaga birra. Loahpas son mearrida galgá go máinnus oidnot ja gullot TV:s ja rádios, vai galgá go bláđiin, áviissain, seinniin ja interneahtas almmuhuvvot.

Máidnosiid gaskaamit

Máinnusdahkkit geavahit iešgudetlágan gaskaomiid jáhkkihit olbmuid ahte sii dárbbašit gálvvu man sii máinnustit. Sii hábmejit logo, nama ja musihka mii geasuha juste dan ulbmijoavkku masa buvtta lea jurddášuvvon. Olbmot geat máidnosis geavahit buktaga, dahje leat máidnosa neavttárat, leat čábbát, šođbadat ja movttegat. Govat leat ivdnái, čalbmáičuohccit, hirpmástuhttit ja / dahje suohttasat. Dieđut buktaga birra almmuhuvvojit positivva sániiguin nu go dearvvašlaš, ođđa, vuogas, nanus, geahpas ja linis.