Olmmošvuoigatvuođaid konvenšuvdna
Dus lea olmmošvuoigatvuohta go don leat olmmoš.
Nuppi máilmmesoađi áigge ledje ollu olbmot gillán issoras vealahemiid dušše dan dihte go ledje juvddálaččat dahje doaimmashehttemat. ON dáhtui sihkkarastit ahte dákkár issoras vealaheapmi ii galgan šat dáhpáhuvvat. Olmmošvuoigatvuođa komitea vuođđudii 30 olmmošvuoigatvuođa čuoggá juovlamánu 10.b. 1948. Dain šattai namma: Olmmošvuoigatvuođaid konvenšuvdna. Dat gusket buot olbmuide miehtá máilmmi. Dus lea olmmošvuoigatvuohta go don leat olmmoš. Beroškeahttá das gos orut, makkár oskku čuovut, makkár čerdii gulat ja makkár duogáš dus lea, de gusket olmmošvuoigatvuođat dutnje.
Máilmmi álbmogiid eallindilit leat dan rájes ollu buorránan, muhto ain dáhpáhuvvet olmmošvuoigatvuođarihkkumat. Muhtimat nelgot, earát fas eai oaččo oahpu dahje barggu danne go sii gullet muhtin eará čerdii dahje leat homofiilat. Muhtimat fertejit báhtarit sođiid, diktáhtoriid ja eará dáhpáhusaid geažil. Sii šaddet báhtareaddjin.
Maiddái Norgga juvddálaččat gillájedje vealaheami ja sáddejuvvojedje bargoleairraide.
Ollugat fertejedje baluin fáhkka báhtarit.
Olmmošvuoigatvuođakomitea galgá geahččat bearrái ahte olmmošvuoigatvuođaid konvenšuvdna čuvvojuvvo miehtá máilmmi. Norga lea geatnegahtton čuovvut olmmošvuoigatvuođaid konvenšuvnna, go sii leat soahpamuša dohkkehan (ratifiseren).
Dihtet go?
…ahte ON lea ásahan mánaide sierra vuoigatvuođaid ja dat gohčoduvvo namain: Mánáidkonvenšuvdna. Muhtin dehálaš mánaidvuoigatvuođat leat:
