Narkotihkka
|
Image
Kokain leat vilges bulvarat maid |
Image
Image
Heroin lea vilges bulvvar maid geavaheaddjit liggejit vai šaddá njalbin ja dasto bidjet sprøytta sisa ja čuggejit dan varrasuonaide. Dat dahká ahte olmmoš oažžu garra gárrendovddu. |
Narkotihkka lea gárrenmirkko. Don leat sihkkarit gullan sániid: amfetamin, ecstasy, hášša, heroin ja kokain. Buot dát ávdnasat leat narkotihkat ja dat váikkuhit vuoigŋašiidda iešguđet láhkai ja addet iešguđetlágan gárrendovddu. Muhtin narkotihkalaš ávdnasiid sustet, earáid fas sprøyttain čuggejit dahje sáhttá maid tableahttahámis njielastit, dahje suova njammat. Narkotihkka addá gárrendovddu dan botta go ávnnas lea rupmašis dahje varas. Maŋŋá šaddá váivves ja fuones dovdu, ja dalle sáhttá šaddat miella eambbo geavahit. Olbmot geat geavahit narkotihka dávjá, šaddet váibasat ja ollugat fertejit heaitit skuvllas dahje barggus. Narkotihkalaš ávdnasiid ii leat lohpi vuovdit, oastit dahje geavahit Norggas. Olbmot geat geavahit narkotihka, fertejit suoli dan fievrridit Norgii, dahje oastit sis geat dan suoli fievrridit. Dat lea divrras, ja ollugat fertejit vearredaguid bokte «dinet» ruđa dasa. | vuoigŋašiidda Image
|
|
Image
Hášša lea narkotihkka mii dahkko cannabis-šattu urbbiin. Dan sáhttá borgguhit, ja gárihuvvat. |
FÁKTÁSTOBE
Mo váikkuhit gárrenmirkkot, duhpát ja snuvssat dutnje?
Gárrenmirkkot, duhpát ja snuvssat sáhttet vahágahttit du vuoigŋašiid, váimmu, geahppáid, nearvvaid ja eará rumašosiid agi beaivái.
Gárrenmirkkuide, duhpáhii ja snuvssaide álkit sorjástuvvo, ja dávjá don dan it fuomáš ovdal go áiggut geahččalit birget dan haga.
Gárrenmirkkot, duhpát ja snuvssat dagahit ahte don váibbat, šliettat ja návccahuvat.
Gárrenmirkkot gárihuhttet, ja don sáhtát láhttet apmasit ja dahkatdaguid maid it áiggoše.
Bearaš, mánát, fuolkkit ja eará lagas olbmot sáhttet váivašuvvat, heahpanaddat, ballat ja oažžut psyhkalaš dávddaid du gárrenmirkkuid, duhpát ja snuvssaid geavaheami geažil.
Gárrenmirkkot, duhpát ja snuvssat leat divrasat.
Jos gárihuvat de don it álo dieđe mii lea duohta. Dávjá jáhkát ahte leat ovdamearkka dihte ollu gievrrat go duođas leat. Šattat badjelmeare duostil, ja sáhtát lihkohisvuođaide gártat.