Stuorradiggi

Stuorradiggi lea Norgga bajimus mearrideaddji ásahus. Doppe čohkkájit sii geat stivrejit ja mearridit Norggas. Sii leat 169 politihkkára, ja leat olles riikka álbmoga gaskkas válljejuvvon. Sin mii gohčodit stuorradigg eái rrasin.

Stuorradiggi mearrida mo riika galgá jođihuvvot ja stivrejvvot. Olbmot Norggas fertejit leat deavdán 18 jagi ja leat Norgga stáhtáássit ovdal go sáhttet jienastit politihkkáriid geaid sii dáhttot galget mearridit sin ovddas. Válgat čadáhuvvot juohke njealját jagi. Politihkkalaš bellodatat mat ožžot ollu jienaid, ožžot eambbo áirasiid Stuorradiggái. Politihkkalaš bellodatat main leat ollu áirasat, sáhttet álkit oažžut eanetlogu iežaset evttohusáide, go Stuorradikkis čadáhuvvot jienasteamit. Gonagas rahpá Stuorradikki ođđa bargojagi álo vuosttáš árgga golggotmánus. Dalle son doallá sártn i mi gohčoduvvo ruvdnosárdnin.

Stuorradiggegárdin lea Oslos.

Stuorradikki doaimmat

Stuorradikki deháleamos bargu lea dohkkehit lágaid. Ráđđehus buktá evttohusaid ođđa lágaide, dahje evttoha láhkarievdadusaid. Stuorradiggi digáštallá evttohusaid ja jienasta. Go láhka lea dohkkenuvvon Stuorradikkis, de dat sáddejuvvo gonagassii, gii čállá vuollái.

Norgga ássit mákset ollu divadiid Nor ga stáhtii. Stuorradiggi galgá mearridit masa dát ruđat galget geavahuvvot. Muhtin oassi ruđain mannet skuvllaide, mánáidgárddiide, buohcceviesuide, boarrásiidssiidaide, ođđa geainnuide, iešguđet mediaide, biras-

gáhttendoaimmaide, Sámediggái ja ollu, ollu eará doaimmaide.

Stuorradiggi ferte juohke čavčča čoahk-kanit digášstallat masa ruđaid galgá geavahit. Sii eai leat álo ovttaoaivilis dasa mo stáhta galgá ruđaid geavahit buore-musat. Loahpas sii evttohit našunála bušeahta. Áirasat galget de jienas-tit, ja loahpas Stuorradiggi dohkkeha bušeahta. Buohkat galget de čuovvulit dan maid eanetlohku lea mearridan.

Stuorradiggi galgá maid geahččat bear-rái ahte ráđđehus bargá dan maid Stuorradiggi lea mearridan.

Stuorradiggi lea čoahkkanan digáštallat.

Ráđđehus

Norggas mearrida stáhtaministtar buot eanemusat. Stáhtaministtar gullá dábálaččat dan politihkalaš bellodahkii mii oaččui eanemus jienaid stuorra-diggeválggas. Norggas leat leamaš ollu stáhtaministarat.

Stáhtaministtar ii stivre riikka áibbas okto. Son galgá válljet mielbargiid, sihke nissoniid ja albmáid geat stivrejit iešgudet suorggis. Juohke mielbargi mii gohčodit namain stáhtaráđđi.

Muhtin stáhtaráđđi stivre olgoriikka-áššiid, ja nubbi eará fas oahpahusáššiid, fas nubbi eará stivre rudaid. Dát gohčoduvvojit olgoriikaministtarin, oahpahusministtarin ja finansaministtarin. Stáhtaministara ja su mielbargiid mii gohčodit namain ráđđehus.

Ráđđehus geahččala ovdiddid iežas áigumušaid. Dat evttoha odda lágaid ja rievdadusaid daid lágaide mat leat vai olbmuide sáddá buorebun eallit servodagas. Stuorradiggi dohkkeha lágaid. Ráđđehus galgá geahččat bearrái ahte servodat doaibmá daid lágaid ja mearrádusaid mielde maid Stuorradiggi lea dohkkehan ja mearridan.

Gonagas deaivvada ráđđehusain juohke bearjadaga dii 11.