Mii lea verrōšeapmi?
Verrošeapmi dáhpáhuvvá go bargá juoida mii ii leat lága-láccat riekta. Sáhttá maid gohčodit namain láhkarihkkun. Dalle galgá dulkojuvvot lea go dárbu ráŋgástit vearre-dahkkiid. Politiijat dutket ja gávnnahit mii lea dáhpáhuv-van.
Gávdnojit máŋggalágán vearredagut. Suoládeapmi ja cáp-min leat dušše muhtin ovdamearkkat. Muhtimat verrošit okto ja soaittáhagas. Suoládid juoidá buvddas dahje geas nu lea dákkár vearrodahku. Muhtimat fas earáiguiin ovt-tas plán ejit vearredaguid. Ollu gat ovttas plán ejit duodalaš vearredaguid mat rasttildit riikkarájiid. Dan mii gohčodit riikkaidgaskasaš ja organiserejuvvon vearredahkun. Narkotihkkagávppašeapmi, olmmošgávppašeapmi, lo-bihis viinni-, duhpat- ja vearjofievrrideapmi leat dákkár vearredagut.
Verrošeapmi
Ivvár
Ivvár lea 16 jahkásáš bárdni. Ivvár liiko skohtériin vuojašit. Dan son dahká juohke beaivvi manná skuvlla. Sus ii leat gal lohpi vuodjit skohtera go sus ii leat vel vuodjenkoarta. Áhčis lea skohtér orrumin šiljus. Das lea čoavdda ovddas ja dan lea álki startet ja vuoddját.
Oktii lei Ivvár vuojašeamen giettis ja das stobu birra. Šilljui bođii amas biila ja bisánii. Ivvár sáhkkiivuodáin vuoddjái geahččat. Fáhkka dáhpáhuvai nu ahte gása darvánii ja skohtér manai olles leavttuin amas olbmo biilla njeaiga. Ivvár ravggai eret. Sus lei buorrelihkus oaivesuodji, nu ahte suinna manai bures. Skohtér ja biila reaktáneigga garrasit. Biilaeaiggát áitá váidit Ivvára.
Muhtin áigi vásaí. Ivvár oažžu ovtta beaivi leansmánnis reivve mas čuožžu ahte ášši lea váidon ja ahte sii leat dutkamin ášši. Vássá ain muhtin áigi. Boasttas boahtá reive ahte ášši lea meannuduvvon, ja ahte Ivvár lea várohuvvon ja galgá diggái.
oažžu advokáhta gii galgá su beali hállat dikkis. Dat lea su bealušteaddji. Soai ráhk-kaneaba ovttas diggái.
Dikkis leat duopmár, advokáhtat, Ivvár ja váidi. Sihke son gii lea váidán ja son gii lea várohuvvon (Ivvár), galgaba beassat iežaska beali čilget. Duopmár dutká lágaid ja daid bokte gávnna ha goappás lea riekta. Dán áššis šattai duopmu ná: Ivvár dubmejuvvo máksit amas olbmo biiladivvuma go son lei skohtériin vuodján lobikeahttá. Lassín dubmejuvvuivvu vuordit 2 jagi ovdal go sáhttá vuodjenkoartta vál dit.
