Servodatmáthtu

Mii fertet oahppat guhtet guimmiineamet. Mii han oainnat buohkat leat ovttas dán máilmmis. Mii fertet oahppat guhtet guimmiineamet ja veahkehit guhtet guimmiideamet. Jos mii eat oahpa guhtet guimmiineamet eat ge veahket guhtet guimmiideamet, de leat dubmejuvvon.

Čurges Goaskin – Grey Eagle – Ken Jackson. Davvi Ameriká álgooälbmogiidda gullevaš.

Servodatmáhttu lea máhttu dan servodaga birra gos mii eallit. Servodatmáhttu lea dieđut das mo mii galgat láhčit dili nu ahte sáhttit orrut ja ássat ovttas soabalaččat. Mii leat buohkat miel-lahttut iešgudet servodagain. Danne lea dehálaš ahte mii háhkat dieđuid daid birra. Dalle mii fertet digáštallat ollu earáiguin. Mii dárbbašit ságastit ja gullat earáid oaiviliid servodaga áššiid birra. Dalle mii sáhttit árvvoštallat mii lea buoremus, ja hárjehallat iežamet oaiviliid buktit ovdan.

Servodatmáhttu lea eambbo go máhttit ja diehtit. Servodatmáhttu lea maid dái beroštit. Mii galgat beroštit alddáme,t go mii leat árvvolaččat, muhto maidái galgat beroštit ja váldit vuhtii earáid geaiguin mii eallit ovttas, go sii leat maid árvvolaččat. Buohkain lea ovddasvástádus geahčat bearrái ahte sii geaiguin mii ovttas eallit, dovdet oadjebasvuoda ja buorrevuođa.

Dán girjjis beasat lohkat ja oahppat eambbo sin birra geat mearridit Norg-gas ja Sámis. Beasat maid lohkat ja oahppat mii demokratiija ja politihkár lea, ja mo media čuvge ja váikkuha min.