4. Politihkka – leat miele

Politihkka mearkkaša dan ahte leat mielde mearrideamen. Politihkka lea visot doaimmat mat dahket ahte min servodat šaddá nu mo mii háliidit, ja ahte olbmuin galgá leat buorre dilli. Muhtin olbmot háliidit šaddat politihkká-rin. Sii leat dalle mielde mearrideamen áššiid mat guskett buohkaide. Dat lea politihkka.

Politihkalaš bellodagat

Politihkkárat ásahit joavkkuid maid mii gohčodit poli-tihkalaš bellodahkan. Sii ráhkadit joavkuid daid áššiid vuođul mat sidjiide leat dehálaččat servodagas.

Muhtin politihkkárat oaivvildit ahte skuvlamánát gal-get oažžut liegga mállásiid juohke beaivvi skuvllas. Earát fas oaivvildit ahte dása mii eat sáhte geavahit ruđaid go skuvlaviesut ja buohcceviesut leat nu fuonit ahte leat gahččamin čoahkkái. Sin áigumuš lea divvut ja huk-set ođđa skuvlaviesuid ja buohcceviesuid. Earát fas há-liidit ahte guovllu olbmot galggašedje friddja beassat mohtorfievrruiguin johtit meahcis. Fas earát lohpidit ahte sii áigot heaittihit ruvkedoaimmmaid mat nuoskki dit luondddu eatnamiid ja čázádagaid. Dán láhkai politihkká-rat geahččalit oažžut olmuid jienastit sin bellodaga.

Juohke politihkalaš bellodagas lea prográmma mii muitala mo bellodat háliida ahte servodat galgá šaddat ja leat. Ollugat dorjot ovtta bellodaga go sii leat dainna ovttaoaivi-lat. Dalle sáhttet šaddat bellodaga mielahttun. Dan sii dábálaččat maid jienastit go leat válggat.

Gii ollu sárdnu, ollu šaddá vástitit.