Ráŋggáštus

Ráŋggástus lea váikkuhus das go rihkku lága. Ráŋggástus sáhttá leat čohkkát giddagasas muhtin áigge, dahje sáhku máksit. Muhtimin lea ráŋggástus muhtin servodat-ávkkálaš bargu maid galgá bargat mearriduvvon áiggi. Dábáleamos verrošemiiide leat biddjon mearit das man guhká galgá čohkkát giddagasas, bargat, dahje man stuorra sáhku galgá máksit.

Manne ráŋggástit olbmuid geat rihkkot lága? Ollugat oaivvildit ahte vearredahkkit ánsásit ráŋggástusa. Muhtimat ges oaivvildit ahte ráŋggástusas ii leat ávki. Dan maid vearredahkki lea dahkan, ii sáhte datte buorit, ja dalle ii leat ávki ráŋggástit su.

Ráŋggástus lea biddjon danne go dat galgá čájehit vearredahkkiiide ja sidjiide geat jurddašit verrošit, ahte verrošeapmi ii gánnát. Lágaid galgá čuovvut. Son gii rihkku lágaid, ferte gillát váikkuhusaid das. Ráŋggástus galgá maid baldit earáid vai sii eai rihko lágaid. Dánna lágiin servodat geahččala oaččuhit vearredahkkiid heaitit rihkkumis lága.

Giddagaslatnja.

Dábaláš ránggášthus, jos lea verrošan, lea čohkkát giddagasas. Doppe lea juohkehaččas sierra latnja gos ferte orrut mearriduvvon áigge. Son gii ránggáštuvo, ii beasa friddja eallit servodagas.