Geografiija
Geografiija lea oahppa olles máilmmi birra. Geografiija lea greikkaláš sátni ja mearkkaša čilget eatnama. Jos galgat máhttit čilget eatnama, de ferte máhttit ollu odda sániid ja namahusaid. Daid sániid geavahit go áigut muitalit ja čilget ábid, várid, jogaid, jávrriid, eatnamiid, gávpogiid ja báikenamaid.
Geografiijas oahppat mo eatnamat leat šaddan nu mo dat otne leat. Oahppat maiddái dálkkáid ja dálkkádagaid ja luonddu birra. Geografiija oasis oahppat maiddái gos olbmot ássset ja mo sii birgejit doppe gos ássset.
Go mii geografiijain bargat, de mii vásstitit gázaldagaid
Dán girjjis oahpat máilmmi dálkkádagaid ja šaddoguovlluid birra, ja mo olbmot ja eallit birgejit ja ávkkástallet daid guovlluid. Beassat maid lohkat ja oahppat eambo daid iešguđet máilmmiosiid birra.