Politihkka – leat mielde • Čoahkkáigeassu

Politihkka ja politihkkár Politihkka mearkkaša dan ahte leat mielde mearrideamen ja váikkuheamen dasa ahte servodateallin ovdána ja šaddá nu mo don háliidat. Politihkkár lea olmmoš gii bargá ja doaimbá politihkas.

Politihkalaš bellodagat Politihkalaš bellodagat leat searvvit maidda olbmot sáhttet searvat ja ovddidit servodat-áššiid mat sin mielas leat dehálaččat. Dan sii dahket daid beroštumiid mielde mat sis leat ja dan ektui maid sii háliidit lagášservodagas ovddidit dahje rievdedit. Politihkkárat jodiihit bellodagaid. Sii muitalit olbmuide man láhkai sii áigot buorit servodaga, ja geahččalit oaččuhit fárrii earáid geat beroštit seamma áššiin. Sii geahččalit oažžut jienasteddjiid ja miellahtuoid.

Válggat Go deavddát 18 jagi ja leat Norgga stáhtáássi, de sáhttát jienastit dain politihkkáriid geaid háliidat galget stivre(t). Dan sáhttát dahkat juohke nuppi jagi. Politihkkárat leat ásahan bellodagaid, ja geahččalit oaččuhit olbmuid jienastit sin, vai sin áigumušat ollášuhttot. Ovddal go válgat álget, lávejit politihkalaš bellodagaid jodi-headdjit ođnot servodagas. Sii háleštit olbmuiguin ja muitalit sidjiide iežas áigumušaid. Sii leat dalle "bivdimin" dahje čohkkemin jienaid. Válggat čáđahuvvojit dihhto beaivi, dábálaččat čakčamánu gaskamuttus. Dat dáhpáhuvvet čihkosis. Ii oktage sáhte oaidnit makkár bellodaga juste don jienastit. Juohkehaš galgá ráfis beassat jienastit iežas oaivila mielde. Válljenlatnjii dahje válljenhinggalii sáhttá mannat dušše okta olmmoš háválassii.

Media Mediat leat tv, radio, áviissat, áigečállagat, vahkkobládit ja interneahtt(a). Media muitala midjiide áššiid birra mat dáhpáhuvvet servodagas. Muhtimin media čuovvu mielde maid politihkkárat ja earát bargat, ja cuiggodit jos muhtimat áitet demokratiija, dahje jos fuomášit juoida mii lea nu mo ii galggaši leat. Politihkkárat geavahit mediaid ovddastit iežaset oajviliid servodatlaš áššiid birra. Mii galgat kritihkalaččat smiehttat ja árvvoštallat leat go duodat buot maid mediaiin lohkat, oaiddnit ja gullat.