Vest-Agder – Lulimus-Norga
Vest-Agder lea Norgga lulimus fylka. Eanadat dáppe lea smávva leagážat mat leat smávit alážiid gaskkas. Rittus leat smávva luovttážit ja sullot. Dáppe leat smávvit báikkázat gos leat vilges málejuvvon stobožat.
Vest-Agder lea riddofylka. Rittus mannet baskkes leagit davás guvllu. Eanáš jogain geavahuvvo čáhci elfápmobuvt-tadeapmái. Lulágeahččen lea Norgga lulimus njárgageahči, Lindesnes.
Ássamat ja ealáhusat
Vest-Agdera gávpogat leat boares gávpe- ja mearrajohtolatgávpogat. Hirssat ja fiellut fievrriduvvojedje skiippaid mielde olgoriiikki ja bukte gortni ruovttoluotta. Gávpogat leat mearragáttiin ja dain leat suodjás hámmanat. Odne leat dát gávpogat maid dehálaš industriijagávpogat. Norgga lulimus guovlu lea dovddus buorre skálžoelliid-ja hummerbivddu geažil. Makrealla lea
Kristiansand
dovddus dáppe, muhto dán áigge gávd-no makrealla davvin maid. Siseatnamis lea ollu eanadoallu ja elfápmobuvtta-deapmi.
Kristiansand lea lulimus-Norgga stuorámus gávpot. Gávpoga olggobealde lea elliidgárdi gos leat ollu ja mánggalágan eallit, maid dái ábegáhttut. Doppe lea maid kopijja Kardemomme gávpogis. Geassit lea vejolašvuohta deavivadit buot ássiiguin Kardemomme gávpogis. Elliidgárddis lea maid dovddus Kaptein Sabeltann.
gortni gortnis oažžu jáffuid mainna sáhttá láibut láibbi
hirssat dimbarat, čuhppon beahce- ja guos-samuoarat
elfápmobuvttadeapmái ráhkadit elektrisi-tehta
luovttazat gohpážat