Almmihálltit
Mis leat njeallje almmiháltti. Dat lea davvi (D), lulli (L), nuorta (N) ja oarji (O).
Beaivváš lea dábáleamos veahkki gávd-nat rivttes almmiháltti. Min guovlluin badjána beaivváš nuortan ja fas jávká oarjin.
Lulli ja máddi mearkkaša seammá. Muhtimat dadjet ja čállet lulli ja erát fas máddi. Dán girjjis mii leat válljen geava-hit lulli.
Govas oaidnit neddáža čuozžumin selggos beaivvi vuostá guovddáš beaivve. Dalle lea sus hádru lulas. Su suoivva fas čujuhá davás. Su gurut bealde lea dalle oarji ja olgeš bealde lea fas nuorta.
Almmihálttit almmiguovllut
[girl seen from behind with a compass and shadow]
Eará vuohki gávdnat gos davvi lea, lea geavahit kompása. Kompása geavaha eanamagnetismma mi čájaha gos davvi lea. Kompása magnetanjuolla čujuha davás, Davvipola guvlui.
GPS geavaha satelihtaid veahkkin čujuhit gos davvi lea. GPS:as lea alddis kárta ja kompása. Dát čájaha justa gos don leat luonddus. Dát merke du “luot-ta” gokko leat vázzán, mahkáš geainnus muhtin jàvrái. Go ruohttoluotta áiggu, de lea dušše čuovvut dán merkejuvvon luotta.
GPS rehkenastá guhká leat ádjána dán gaskka ja galle kilometera leat vázzán.
Kompása
GPS-rusttet
Satelihtta