Bearraša rollat
Mánaid rolla
Du rolla bearrašis lea mánná, nieida dahje gánda/bárdni, áhkut/áddjot, muottal, siessal, neahpi dahje oarpmealli/vil-bealli, oabbá dahje vielja. Mánaid rolla lea dohkkehit ahte rávisolbmot mearridit ja bajásgesset du. Dadđe mielde go stuorut, gálggat don leat mielde mearrideamen áššiid mat gusket dutnje. Servodat vuordá ahte don leat dál nu stuoris dahje boaris ahte don máhttát dábálaš olmmošvvieruid ja ahte don máhttát lághttet dohkálaččat servodagas.
Mánaid rolla lea dohkkehit ahte rávisolbmot stivrejit ja nevvot.
Eadni, gánda/bárdni ja áhčči.
Váhnenrolla
Váhnemiin lea váhnenrolla. Sudnos lea stuorra ovddasvástádus ja dahálaš rolla servodagas. Soai mearrideaba du badjel dassá go deavddát 18 jagi. Dat ii mearkkaš ahte soai sáhttiba dahkat dan maid háliideaba. Soai galgaba ovttasrádiid mánaid bajásgeassit. Dat mearkkaša ahte soai sáhttiba mearridit maid mánná galgá bargat ja maid ii oaččo bargat. Ovdamearkka dihte sáhttiba mearridit goas mánná galgá boahit ruoŧktot dahje man ollu ruđa son oažžu lobi geavahit. Soai galgaba maid geahččat bearrái ahte mánát ožžot oahpu návccaid mielde. Mánná ii oaččo illástuvvot, fuonášuvvot dahje vuortnuhuvvot. Mánná galgá oažžut ovddasmorraša ja divššu. Váhnemat galget mearridit du ovddas. Dade mielde go sturrot, galget mánát leat mielde mearrideamen áššiid mat gusket sidjiide. Servodat vuordá ahte váhnemat dovdet iežaset rolla ja váldet ovddasvástádusa bajásgeassimis.
Ii guhtege rieggát áhšu gieddas
Eará rávisolbmo rollat
Mánát dábbašit deaiivadit iešguđetlágan olmmoiguin dadistaga go sturrot. Áhkku ja ádjjá leaba du váhne-miid váhnemat, ja sudnos lea áhkku- ja ádjárolla du ektui. Soai leaba lunddo-láš ja lagaš oassi bearrášis. Sudnos lea dáválaččat buoret dilli ja astu manáidmánáiguin bargat oktasas doaibmaid ja sin geahččat bearraái. Áhkku ja ádjjá sáhttiba oahpahit manáidmánáide ollu das mo servodat lei ovdal, dalle go du váhnemat ledje mánát. Siesát, muotát ja goaskkit, eanu, eahki ja čehce-rollat leat maid dái dehálaš servodat-rollat. Ristváhnemiidda leat erenoamáš vuordámuša sámi servodagas. Son árrat jo máná eallimis čádno ja hukse-goahtá oktavuoda mánnái. Dán láhkai son lea guovddáš olmmoš máná eal-limis, ja son doaibmá maidđái máná bajásgeassim-is.
Ádjja ja manáidmánná.
Ristváhnemat.