Telemárku – dáppe leat buot

Telemárku álgá rittus ja manná siseanatnamii gitta Hardangerduoddarii. Go mii mátkkostit fylkkas sisa guvlui, de šaddet alážat alibun, leagit baskkibun ja vuovddit seavdnjadin, ja loahpas deivat mii duoddara, Hardangerduoddara. Ollugat lohket ahte Telemárku lea unna Norggas. Maid dát mearkkaša? Sáhttá go mearkkašit ahte mii gávdnat dan

seamma Telemárkkus maid muduid gávdnat Norggas? Juo, muhtimat oaivvildit dan.

Namma Telemárku sáhttá boahit sá-nis "mark", mii mearkkaša vuovdi, ja olmmonamas Tel.

Rjukangorži

Ássan ja ealáhusat

Telemárkkus lea ollu industriija. Okta Norgga stuorámus fitnodagain, Norsk Hydro, álggahuvvui čuohte jagi áigi Rjukangoržži gáttis. Goržžis ávkástalle čáhcefámu ráhkadit goanstagilvagiid, muhto dál lea dát fabrihkka heaittihuvvon. El-fápmu Rjukangoržžis ja eará goržžiin mannet dál jodðasiiid mielde Hydro fabrihkaide Porsgrunnii ja eará báikkiide.

Odne orrot eanáš olmot lahka rittu. Muhto siseatnamis leat maid ollu gelddolaš turistabáikkit.