Mo šadde servodagat?
Álggu rájes leat olbmot čoahkkanan dan dihte go sii fertejedje ovttas bargat go galge bivdit stuorra meahcceelliid dahje mearraelliid. Dáinna lágiin sii birgejedje. Dadistaga sii ásaiduvve seammá báikái ja ássedovttas nu guhká ahte šattai servodat. Servodagas sii barge dan maid sii dovde ahte sii máhte ja sáhtte. Šattai oktasašvuohta sin gaskkas geat ledje gávnnadan. Oktasašvuohta mearkkaša ahte sii dovde gullevašvuođa muhtin jovkui. Muhtin olbmot guđđe joavkku ja manne eará báikkiide, ja ođa olbmot bohte ja ásaiduvve jovkui. Joavku earáhuvai ja rievddai, muhto dan oktasašvuohta bisttii. Servodagat šadde go olmbot ásaiduvve ja bargagohte ovttas čoavdit stuorra bargguid maid olmmoš ođo ii sáhtán.
Dološ sámi siiddas fertejedje olbmot bargat ovttas vai birgejedje.