Doabbariid meannuɗit – Čoahkkáigeassu

Stuorraservodat
Stuorraservodat lea olles riika dahje álbmot. Dan mii gohčodit Norgga servodahkan dahje Sámi servodahkan. Stuorraservodat fuolahá daid stuorra bargguid maid mii bearrásis dahje lagásservodagas eat nagot oktto doaimmahit.

Stuorraservodaga doaimmat
Stuorraservodat galgá fállat olbmuide oahpu, dearvvašvuođa bálvalusaid, politiija, buvddaid, geainnuid ja IT-gulahallan vejolašvuohta galgá gávdnot vaikko gos riikkas mii ássat. Stuorraservodat galgá geahččat bearrái ja fállet dáid buot riikka dahje guovllu ássiide.

Skuvla
Mánná álggá skuvli dan jagi go deavdá 6 jagi. Skuvllas leat ollu oahppit, oahpaheaddjit, rektor, bassi, viessohoaidddár ja veahkke bargit. Juohkehaš ferte su iežas rollas doaimmat bures vai servodat doaimbmá. Dalle lea dehálaš ahte juohkehaš diehtá man láhkai son galgá iežas rollas doaimmat. Dus lea oahppirohlla skuvllas. Skuvlaservodat vuordá ahte oahppi bargá leavssuid, láhtte čábbát eará oahppiiguin ja rávisolmmoiguin skuvllas, ja ahte son čuovvu skuvlla njuolggadusaid.

Riiddut ja givssideapmi
Skuvllas ja eará lagásservodaga doaimmain leat ollu mánát ja nuorat čoahkis. Dalle sáhttet bohciidit riiddut ja givssideapmi. Riiddut leat dábálaččat ja buorit jos mii daid meannu dit rivttes láhkai. Givssideapmi lea go muhtumat diehtomielain dávjá, dahje guhkes áigge badjel illásit, olggusit dahje láhttjeit fasttit nupiiguin. Dan váikkuhusat sáhttet bilidit nupi olbmo eallima, nu ahte son ii sáhte bargat ja doaimmat dábálaččat servodagas. Givssideami galgá álŏ dieđihit, ja dan lea buoremus bisahit ságasteami, sihhtadeami ja čuovvuleami bokte.