Eana loktanii

Mannjá manjimuš jieknááiggi dáhpáhuvai juoidá maid mii gohčodit eana-loktaneapmin. Stuorra assás, lossa jiekhki suddagodi, jiekhkedeaddu geahpui ja eana loktanii. Mearra ahccái, muhto eana loktanii vel eambbo. Dás-si masa mearra ollii dalle go jiekhki suttai, gohčoduvvo marina ráđjin. Dat lea mealgat bajábealde otná mearradási.

Mii sáhtásseimmet eanaloktaneami čáje-hit dán láhkai: Mii deavdit veaháš čázi glássalihttái vai buorebut oaidnit mii dáhpáhuvvá. Dohko bidjat svámpa, ja dan ala fas jieknačoaltu. Mii oaidnit ahte jieknačoaltu deadddá svámpa čázevuollái duolbbasin. Jiekna suddagoahtá ja dadis maid geahppu. Dalle oaidnit ahte svámpa loktana. Juste dan seammá dahká eana maiddái. Go jiekhki suddagodi, de eana loktanišgodi. Dan dahká vel otne ge, muhto dat dáhpáhuvvá nu sivvadit ja njozet ahte mii eat vávjjje dan. Muhtin sajin loktana eambbo go eará sajin.

Stuorragurra Mázes. Dutkit jáhkket ahte gurra šattai go eana loktanii jieknááiggii mannjá. Gurra lea 8 miilla guhku ja čieknalepmosis 8 mehttera čienal.