Hedmárku – šuvvi vuovddit

Miessemearkun Svahken sjites, Hedmárkkus.

Hedmárku lea maiddái siseanafylka. Dáppe leat liegga geasit ja galbma dálvvit. Østerdalen manná čađa fylkka davvin Tynsetas gitta Kongsvingerii lullin. Dán leagi mielde golgá Glomma, mii lea Norgga guhkimus johka. Hedmárku lea Lulli-Norgga stuorámus fylka. Das lea guhkes ráđji Ruttii ja muduid golmma eará fylkkii.

Davvin fylkkas lea stuorra ávži mas leat ceakko seainnit. Dát orru dego livčči čuolastuvvon, ja danne lea ožžon nama Jutulhogget. Jáhkkimis šattai dát jieknáaiggis go ollu čáhci borai ávži.

Ássamat ja ealáhusat

Hedmárkkus ássat eanemusat olbmot duolbaeatnamiin birra Mjøsa, Hamaris ja dan birrasiin. Muđuid ássat olbmot Glomma gáttiin ja smávit báikkiin. Try-sil lea dovddus dálvevalášttallanbáiki.

Hedmárku lea Norgga stuorámus eanadoallo- ja vuovdedoallofylka. Eatnamat birra Mjøsa leat buorit eanadoalloguovllut. Vuovdebargu lea dehálaemus ealáhus.

Hedmárku lea sámi lulimus guovlu, ja Hedmárkku ja Opplándda ráđjeguovlluin lea ealli ja doaibmi sámi boazodoallu.

Elgás lea sámi skuvla mii leamaš mielde váikkuheamen dása ahte ollu nuorat ja mánát leat lullisámegiela oahppan hállat, lohkat ja čállit.