Iešgudetlágán servodagat

Bearaš, ruoktu ja sohka leat min lagamus ja unnimus servodat. Bearašlahtuid mii dovdat buoremusat, ja sii leat min lagamuččat.

Lagášservodat leat dat báiki dahje guovlu gos don ja du bearaš ásša ja doaibmá beaivválaččat. Lagášservodaga miellahtut leat buohkat geat ássset seammá báikegottis dahje gielddas go don.

Stuorraservodat lea Norga ja Sápmi. Buohkat geat ássset Norggas ja Sámis, leat stuorraservodaga miellahut go sii ássset ovttas seammá guovllus ja riikkas.

Máilmmiservodat lea stuorámus servodat. Buot máilmmi álbmogat leat máilmmiservodaga miellahut, go mii buohkat ássat seammá eanaspáppas. Sii gulahallet ja bargat ovttas čoavdit áššiid mat gusket olles máilmái. Dakkár áššit sáhttet leat luondddugáhtten ja olmmošvuoigatvuodat.

Lagášservodat

Neahttaservodat doibmet interneahtas. Dat leat šaddan daddje mielde go IT (diehtojuohkin-teknologijja) ja interneahttafierpmádagat leat buoriduvvon, ovdánan ja leavvan. Gávdnojit máŋga iešguđetlágan neahttaservodaga. Facebook, Twitter ja bloggen leat muitin neahttaservodagat. Neahttaservodagaid bokte olbmot miehtá máilmmi sáhttet gulahallat, digaštallat ja ságastit.