Jiéhki mearkkat luondduš

Jiehki mearkkat luond-dus

Jiehki, dahje jieknaáigi lea guodđán čielga mearkkaid lundui. Dáid sáhttit ain otne oaiddnit.

Leagit ja vákkit leat jieknaáigge-mearkkat. Muhtin leagit leat šaddan U-hápmásažžan go jiehki lea johtán ja golgan leagi mielde gitta áhppái. U-leagis lea duolba bodni. V-leagis lea V-hápmi. Dat lea šaddan V-hápmásažžan go johka lea borran iežas ain vuolleei. Dábálaččat mii gohčodit daid ávžin. Vákkit leat duoddaris ja dain lea U-hápmi.

U-leahki, Anastølsvatnet.

V-Leahki Nuvvosis Ohcejogas.

Morenat leat geađggit ja sáddot maid jiekki lea luvven bávttiin ja jodidettiin fievrridan mielde. Go jiekki suttai, de báhce geađggit dasa. Gávdnojit guovtte-lágan morenat. Geahčemorenat leat dievát, čorut ja dearpmit maid jiekki lea hoigan ja guoddán dasa látnan go suttai. Vuoddomorenat leat geađggit ja sáhttu mat ledje jiekki vuolde go dat suttai.

Vuoddomorenat Rástegáissás.

Geahčemorena.

Jiekkkesirdonbákti.

Skuvrensárgát leat sárgát lássás dahje bávttis. Dát čájehit guđe guvlui jiekna lea johtán das. Sárgát šadde go sáhtu ja geadggit leat skuvrejuvvon lássá vuostá jiena jodidettiin.

Jorba geadggit čájehit maid jieknaáiggi doaimmaid. Geadggit leat leamaš jiehki vuolde ja leat jorran ja čuuvvon jiehki lihkastemiid máŋggaid duháhiid milijovnnáid jagiid. Dán láhkai dat leat ožžon jorba hámi. Maiddái čáhci sáhttá jorbet geđggiid. Jiehki vuollái šadde jogat go dat suddagodii. Dat maid ledje mielde hábmemin jorba geđggiid.

Vuotna.

Skuvrensárgát.

Jorba geadggit.

Govas oaidnit ahte šaddet jogat jiehki vuollái go dat suddá. Jogaid mielde jorret geadggit. Geadggit šaddet jorbadin go leat jorran máŋgalot duháhiid jagiid jogain, jiehki vuolde.