Hordalánda – gasku Oarje-Norgga

Bergen

Hordalánda lea Norgga oarjoleamos fylka ja lea guovdu Oarje-Norgga. Hordalándda sáhtta juohkit viđa oassái. Lulimusas lea Hardanger, mii lea birra Hardangervuona. Hardangerduottarlea Norgga alimus duottar. Davábealde Hardangera lea Voss. Dát lea siseana gos lea eambbo vuovdi go eará sajiiin fylkkas. Eará oasit leat riddoguovllut Sunnhordalánda, Midhordalánda ja Nordhordalánda. Hordalándda namma sáhttá boahkit dološ olmmoščearddas "hordar", mii mearkkaša soaldát dahje sáŋgár.

sáŋgár. Hordalánda mearkkaša dalle riika gos soaldáhat dahje sáŋgárat orro.

Eanadat

Hordalánddas leat mángaduhát sullo, čiekŋalis vuonat, leaŋit ja ceakko várit. Ii gokkoge leat guhkki go 50 km merriid dahje vuttii. Hardangera siskkobealde lea Norgga lulimus jehki, Folgefonna. Oarje-Norga ja Hordalánda lea dovddus ollu arvvi ja goržejogaid geažil. Jahkásáččat arvá ja muohttá Hordalánddas viehka ollu, gitta 4000 millimehtera, mii lea 4 m.

Eanadat

Ealáhusat ja ássan

Sulli bealli buot olmmoain Hordalánddas ásset Bergenis, mii lea Oarje-Norgga "oaivegávpot". Bergen lea boares gávpe-gávpot. Bergen Brygges orrot ain viesut dološ rikkes gávpeáiggis. Dáid viesuid huksejedje hanseáhtat, geat ledje duiskalaš gávpealbmát.

Mánnga báikki fylkkas leat dovddus industriija guovllut. Stordas ráhkadit sniippaid. Mongstadas fas lea oljoraffi-neriija, mii lea Norgga stuorámus. Dás ráhkadit oljjus bensiinna. Husnesas fas geavahit elfámu ráhkadit alumiinna. Hordalándda lea bivnnuhiš turistaguovlu. Alla várít ja alla goržžit, nugo Vøringja Skykkjedalagoržžit geasuhit ollugiid. Šaddomuoraid lieddún Hardangeris lea dovddus miehtá Norgga.