Doabbariid meannuɗit – Bargobihtát

Ohcci

Loga čoahkkáigeasu s. 54 ja vástit.

1. Mii lea stuorraservodat?
2. Namut golbma dehálaš fáladaga stuorra-servodagas!
3. Namut guokte vuordámuša mat leat servodagas ohppiidrolli?
4. Manne šaddet riiddut olmuid gaskkas?
5. Mii lea givssideapmi?
6. Mo sáhttá givssideapmi váikkuhit olmuid geat dan vásihit?
7. Namut ovtta vuogi mo bisset givssideami!

Dahkki

1. Jearahallan: Jearahala olmuid geain leat eará rollat go dus! Makkár servodatrollat leat sis ja mo sii vásihit ja čovdet iežaset servodatrolla?
2. Hutket ja dahkket čájálmasa mas dis leat iešguđet rollat. Čájehehket earáide.
3. Lohkket riikka áviissa ovtta vahku! Merkejhehket gudde stuorraservodaga rollat leat namuhuvvon áviissain dan vahku!

4. Servodagas bohcciidit dávjá riiddut olmuid gaskkas. Givssideapmi lea stuorra váttisvuohta servodagas ja skuvllain. Digaštallet mo sáhttá heaittihit ja bissehit givssideami servodagas. Evttohehket čovdosa mii sáhttá bissehit givssideami din servodagas.
5. Mánnggaoaivilvuohta muhtin áššin lea buorre, go dalle mi beassat digaštallat ja gullat ja oahppat eambbo ášši birra. Dalle dávjá gávdnat čovdosiid riidduide. Leat go din ceahkis áššit maiguin eanpet leat ovttaoaiviliat? Digaštallet ášši/áššiid/riidduid joavkkuin ja geahččalehket gávdnat čovdosa riidui!
6. Hutkka, hábme ja sárggo galbba mas čuožžu: BISSET GIVSSIDEAMI! Darvvit ceahkkelanja seaidnái muitthussan.

Dutki

1. Dutket mii geavvá doabbariin din gielddas/suohkanis! Hábmejehket gázaldaga, evttohehket čilgehusaid, dahket plán a ja čádahehket dutkosa! Árvvostallet mo heive earáide ovdanbuktit dan maid leppet gávnnahan: Sárrggusráidu, govvaráidu, filmba, áviisaartihkal, beaivegirji, muitalus dahje eará.