Atlas
Guhkkodatgrádat
Globusas maiddái mannet linnját Davvipolas Lullipolii. Dáid linnjáid mii gohčodit guhkkodatgrádan. Dán álgit lohkat dan grádas mii manná Greenwich čađa ja dát gohčoduvvo nullameridiánan. Greenwich lea gávpotoassi Londonis, Stuorrabritánnias. Dát lea maid juhkko 180 gráđii, 90 gráđa oarjjabealde ja 90 gráđa nuorttabealde nullameridián-a. Ovdamearkka dihtee lea Kárášjohka sulli 25 gráđa nuorttabealde nullameridiána.
Atlas
Atlas mearkkaša kárttat mat leat čohkkejuvvon girjjin. Atlasat sáhttet leat kárttat olles máilmmis, dahje oassi dušše das, omd. “Norgga Atlas”. Dalle leat dušše Norgga kárttat doppe.
Kárttat atlasis leat juhkkon ruvttuide, nu ahte sáhttit gávdnat gokko muhtin báiki lea. Jos mii galgat “Skuvla kárta-girjjis” gávdnat Anárjávrri, de čuožžu registraris ná: s 3 B15. Dát mearkkaša ahte mii gávdnat Anárjávrri kártagirjjis s 3, ruvttos B15. Geahča kártta siiddus 102–103. Dáinna lágiin mii sáhttit atlasis gávdnat buot báikkiid mat dohkko leat merkejuvvon.
Atlas lea girji masa leat kárttat čohkkejuvvon omd. Sámii Atlas.
Kárta lea váldon girjjis: Skuvla kártagirji s. 2–3. Suoma Sámediggi.
