Stuorraservodaga doaimmat
Suodjalus
Politiija barggut
Sii geat bargget politiijan, galget geahččat bearrái ahte ortnet bissu doppe gos ollu olbmot leat čoahkis. Dat sáhttet leat ávvudoalut, festiválat, riemut, valáštallamat dahje miellacájheamit. Politiija galgá maid geahččat bearrái ahte olbmot čuvvot johtalusnjuolggadusaid.
Sii bissehit biilavuđđiid ja iskset sihke biillaid teknihkaláš beliid ja olbmuid. Politiijat ságaštit ollu ja dávjá mánáiguin ja nuoraiguin. Dan sii dahket vai nuorat eai nu álkit seaguhuvvo lobihisvuodaide. Politiijat galget maid dutkat lobihisvuodaid mat leat dahkon ja gádjunbargguid jodihit.
miellacájheamit ollugat čoahkkanit čájehit maid sii oaivvildit muhtin áššis. Dávjá sis leat pláhkáhat ja čurvot cealkámušaid.
Politiijat ságaštit dává mánáiguin.
johtalus sii geat johtet vácci dahje vuoji geainnuid alde leat johtalusas.
Buollin- ja suodjalusdoaimmahat
Buollin- ja suodjalusdoaimmahat galgá čáskadit jos ásodat dahje huksehusehus buollá. Dasa lassin galgá suddjet gieldda/suohkana álbmoga ja elliid lihkuhisvuodáin nu mo stuorra dulvviin ja eará luondduroasuin. Buollin-čáskadanbiillas galget leat visot ávdnasat ja suodjalusat maid suodjaleaddjit dárbbašit. Sii galget oahppat ja hárjánit dákkár váralaš barggu máhttit čoavdit. Buollin- ja suodjalusdoaimmahat galgá maid skuvlaoahppiid ja earáid oahpahit mo geavahit buollinčáskadanreaidduid ja mo sii galget eastadit buollimis.
suddjet várjalit dahje veahkkehit
luondduroasuin issoras dáhpáhusain mat luonddus gevet, omd. badjelmeare dulvi, uđas, eanandoarggástus, buollášat, goikkádagat, garra orknát mat gaikkodit ja billistit
buollinčáskadanreaidduid ávnnas maid dárbbaša go áigu buollima čáskadit, omd. bulvarapparáhta ja dihto biktasat mat girdet dola
Buollinčáskadeaddji čáskadeamen buollima.
Suodjalus
Norggas lea suodjalus mii galgá suodjalit riikka jos eará riikkat dahje vásáláččat áitet fallehit guovlluide mat leat Norgga riikkarájáid siskkobealde. Suodjalus goziha ahte Norgga ja Sámi álbmot galgá sáhttit oadjebas dilis orrut ja eallit. Dat lea deháláš bargu ja dasa dárbbašuvvojit ollu olbmot ja fievrrut dego girdit, skiippat, ja eará ávdnasat dego erenoamáš vearjjut, IT-reaidu ja biktasat. Sii galget ollu hárijehalat ja leat gárvásat doaibmagoahtit jos dárbu.
Sii geat bargget suodjalusas, sáhttet bargat máŋggalágan rollain suodjalusas. Muhtimat bargget goahkkan, ja earát fas váksun dahje soaldáhhin. Stuorraservodat vuordá ahte suodjaleaddjit dovdet iežaset rolla servodagas, ja ahte sii doibmet iežaset rollas nu mo njulggadusat muitalit.
Suodjaleaddjit hárjehallamin.
