Doabbariid meannudit

Mis bálcet beaivválaččat ávdnasat, garat, borramušat ja skoađdasat maid eat dárbbaš dahje mat guohcagit. Dat leat doabbarat, ja daid mii bálkestit doapparlihttái. Leat go smiehttan gosa doabbarat šaddet? Doapparbiila gurre doapparlihti juohke vahkus. Sii devdet guorbmebiilla doabbarii guin, ja gurre-jit dan doapparduvdnái maid eiseválddit leat ášahan ja dohkk ehan dohkálaš doapparbáikin. Doapparbáikkis bargget ollu olbmot. Muhtimat váldet vuostá buot doabbariid ja earát fas vudjet stuorra mašiinain ja dulbmet doabbariid. Muhtin doabbariid ii leat lohpi bálkestit doapparduvdnái. Dain sáhttet leat váraláš ávdnasat mat bilidit luonddu. Dákár doabbariin ferte vuos váldit eret dan váraláš ávdnasa ja dan ferte meannutit sierraláhkái vai ii bilit luonddu.

Doabbariid maid ii sáhte oddasit geavahit, sáhttá boaldtit stuorra oapmaniin. Li ggasiin mii das šaddá, sáhttá fas ligget ollu dáluid.

Muhtin doabbariid sáhtta ođđasit geavahit

Doapparhivvodat lea mენდdo sakka sturron manjmuš áiggiid. Ii leat šat sadji vurket buot doabbariid. Eiseválddit leat ášahan doaimmaid mat galget unnit doapparhivvodaga. Dál leat ášahuvvon báikkit gosa olmmoš sáhttet bidjat guoros skođđasiid. Alumiidna, bábir, plastihkka, glássa dahje láse ja ollu eará ávdnasat sáhttet šaddat odda ávnnasin fas. Borramušbázahusat eanaluvat, ja eai leat vahágin lundui. Dán láhkai mii sáhttit hehttet doapparhivvodaga šaddamis, ja muhtin ávdnasat šaddet odda ávnnasin.

doapparhivvodat doapparsturrodat
borramušbázahusat borramušat mat leat báhcán go lea gallánan, dahje mat leat guohcagan ja ii sáhte šat borrat daid

Doapparsirren. Muhtin doabbariid sáhtta geavahit ođđasit.

Báhparis sáhtta ráhkadit ođđa báhpára.