Servvodatmáhttu

Mii fertet oahppat guhtet guimmiineamet. Mii han oainnat buohkat leat ovttas dán máilmmis. Mii fertet oahppat guhtet guimmiineamet ja veahkehit guhtet guimmiideamet. Jos mii eat oahpa guhtet guimmiineamet eat ge veahket guhtet guimmiideamet, de leat dubmejuvvon.

Čurges Goaskin – Grey Eagle – Ken Jackson. Davvi Amerihká álgoálbmotgiidda gulleváš.

Servodatmáhttu lea máhttu dan servo-daga birra gos mii eallit. Servodatmáhttu lea dieđut das mo mii galgat láhčit dili nu ahte sáhttit orrut ja ássat ovttas soabaláččat. Mii leat buohkat miellahttut iešguđet servodagain. Danne lea dehálaš ahte mii háhkat dieđuid daid birra. Dalle mii fertet digášallat ollu earáiguin. Mii dárbbašit ságastit ja gullat earáid oaiviliid servodaga áššiid birra. Dalle mii sáhttit árvvoštallat mii lea buoremus, ja hárjehallat iežamet oaiviliid buktit ovdan.

Servodatmáhttu lea eambbo go máhttit ja diehtit. Servodatmáhttu lea maid daí beroštit. Mii galgat beroštit alddámet, go mii leat árvvolaččat, muhto maiddái galgat beroštit ja válidit vuhtii earáid geaiguin mii eallit ovttas, go sii leat maid árvvolaččat. Buohkain lea ovddasvástádus geahččat bearrái ahte sii geaiguin mii ovttas eallit, dovdet oadjebasvuođa ja buorrevuođa.

Dán girjjis beasat lohkat ja oahppat eambbo sin birra geat mearridit Norggas ja Sámis. Beasat maid lohkat ja oahppat mii demokratiija ja politihkkár lea, ja mo media čuvge ja váikkuha min.