Politihkaláš báhtareaddjit ja dorvoohccit
Ollu riikkain máilmmis lea eahpedemokratija. Okta olmmoš dahje okta bellodat mearrida buot daid riikkain. Dat leat diktatuvrastáhtat. Diktáhtorat dárbbašit dávjá politiijaid ja militeara várjalit sin vai sii sáhttet bisuhit fámu. Dákár riikkain ii leat sátnefriddjavuohtha. Dat mearkkaša ahte olbmot eai sáhte almollaččat cealkit maid sii oaivvildit iešguđet servodatássiin.
Jos čoahkkanit ja celket iežaset oaiviliid, dahje cuiggodit stivrenvugiid ja diktáhtora, sáhttet politiijat bidjat sin giddagassii ja illástit sin garrasit. Muhtimat goddojit, dahje dušše “jávket”. Dákár stivren rihkku olmmošvuoigatvuođaid.
Ollugat geat áiggošedje buoridit olbmuid vuoigatvuođaid, bággejuvvojit guođđit ja fárret eret diktatuvrastáhtain jos galget beastit heakkaset. Muhtimat sis leat maiddái Norgii boahkán. Dáid mii gohčodit politihkalaš dorvoohccin ja báhtareaddjin.
Norga ja eará demokrátalaš riikkat čuvvot mielde mii dáhpáhuvvá máilmmis ja veahkehit politihkalaš báhtareaddjiid. Lagášservodaga olbmuidde, ja maiddái dutnje, leat vuordámušat ahte bures vuostáváldit ja veahkheit ođđa ássiid oahpásmuvvat min servodahkii.
Norgii bohtet ollu politihkalaš báhtareaddjit riikkain gos lea váralas vuostálastit ieševaldii.