Ráŋggáštus

Ráŋggáštus lea váikkuhus das go rihkku lága. Ráŋggáštus sáhttá leat čohkkát giddagasas muhtin áigge, dahje sáhku máksit. Muhtimin lea ráŋggáštus muhtin servodatávkkálaš bargu maid galgá bargat mearriduvvon áiggi. Dábálaččamos verrošemiide leat biddjon mearit das man guhká galgá čohkkát giddagasas, bargat, dahje man stuorra sáhku galgá máksit.

Manne ráŋggáštit olbmuin geat rihkkot lága? Ollugat oaivvildit ahte vearredahkkit ánsššit ráŋggáštusa. Muhtimat ges oaivvildit ahte ráŋggáštusas ii leat ávki. Dan maid vearredahkkki lea dahkan, ii sáhte datte buorit, ja dalle ii leat ávki ráŋggáštit su.

Ráŋggáštus lea biddjon danne go dat galgá čájehit vearredahkkiiide ja sidiide geat jurrdášit verrošit, ahte verrošeaapmi ii gánnát. Lágaid galgá čuovvut. Son gii rihkku lágaid, ferte gillát váikkuhusai das. Ráŋggáštus galgá maid baldit earáid vai sii eai rihko lágaid. Dánna lágiin servodat geahččala oaččuhit vearredahkkiid heaitit rihkkumis lága.

Giddagaslatnja

Dábálaš ráŋggáštus, jos lea verrošan, lea čohkkát giddagasas. Doppe lea juohkehaččas sierra latnja gos ferte orrut mear-riduvvon áigge. Son gii ráŋggáštuvvo, ii beasa friddja eallit servodagas.