Fápmu juohkása golmma oassái

Sii geat mearridit Norggas, leat juohkásan golmma oassái. Dat lea buorre, go dalle ii leat buot fápmu ovttá ásahusas dahje ovtta olbmos.

Okta oassi leat Stuorradikki politihkkárat, geaid álbmot lea válljen. Sii evttohit ođđa lágaid ja láhkarievdadusaid, ja de sii galget ođđa lágaid ja láhkarievdadusaid dohkkahit dahje hilgut. Stuorradikki politihkkáriin lea láhkaaddi fápmu.

Nubbi oassi lea ráddehus. Sii galget geahččat bearrái ahte ođđa lágat ja láhkarievdadusat doaibmagohtet servodagas. Gonagasas čállá vuollái ođđa lágaid ja ráddehusas lea de láhkačuovvuleaddji fápmu.

Goalmmát oassi leat duopmostuolut. Sii galget lágaid bokte árvvoštallat ja gávnnahit geas lea riekta jos sáddá soahpameahttunvuohta. Dan gohčodit fas dubmejeaddji fápmun.

Norgga Sámedikkis ii leat fápmu ásahit dahje rievdadit lágaid, muhto doaibmá ráđđeaddin Stuorradikki ektui. Stuorradiggi ja ráđđehus galget Norgga Sámedikki oaiviliid ja cealkámušaid árvvoštallat ovdal go ođđa lágat, dahje láhkarievdadusat dohkkehuvvojit.