Neahttaservodagat leat nu go eará servodagat, muhto dat doibmet dušše internehtas, ja don mearridat iēš goas don háliidat searvat ja goas it.

Doppe leat deaivvadanbáikkit, báŋkkut, poasta, buvddat, girjjit, TV, musihkka, filmmat, skuvllat, spealut, doaktárat, ja ollu eará. Mii sáhttit daid fievrridit fárus álu, go IT-ávdnasat nu go smartphone vuohkkasit heivejit lubmii dahje lávkii. Dáinna lágiin mii sáhttit gulahallat ja speallat earái-guin, geahččat TV ja filmmaid dahje gávppašit goas heive.

Makkár neahttaservodagat gávdnojit?

Facebook, instagram, youtube, skype, snapchat ja twitter leat sosiála neahttaservodagat gos olbmot deaivvadit. Dat leat vuohkkasat go áigu gulahallat skihpáriin ja fullkiin geat orrot eará guovlluin máilmmis. Mii sáhttit singuin gulahallat vaikko goas, ja čuovvut sin eallima sihke govaid, filbmmaid ja ságaid bokte.

Bloggen lea vuohki mo almmuhit earáide iežas máhtu, vásáhusaid, jurdagiid ja beroštumiid. Bloggárat čállet nehttii iežaset beroštumiid, jurdagiid ja maid sii liikojit bargat astoáiggis dahje barggus. Muhtimat govvejit ja čállet iežaset gárvvuid birra, dahje makkár sin dállu lea oaiddnit. Earát fas muitalit ja čállet servodatášiid dahje dearvvašvuođaáššiid birra main sii beroštit. Fas earát muitalit ja čállet man guhkás ja johti-lit sii leat sihkkelastán dahje viehkan. Olbmot geat beroštit seammá áššis ja čuvvot blogga, sádet bloggalohkkin. Bloggalohkkiit sáhttet kommenteret dan maid bloggár almmuha.

Gálvovuovdin ja -oastin dápáhuvvá viidábut neahtas. Ollu neahttaservodagat ja neahttabuvddat fállet iešguđetlágan gálvvuid vuovdimassii. Doppe sáhttá oastit musihka, filmaaid, biktasiid, IT-ávdnasiid, spealuid, biillaid, mátkiid ja ollu eará. Muhtimat leat ásahan neahttaservodagaid gos sáhttá oastit ja vuovdit geavahuvvon biktasiid ja ávdnasiid. Buorre lea ahte muhtimat háliidit vuovdit ávdnasiid dan sadjái go bálkestit daid. Soaitá muhtin dárbbaša juste dan ávdnasa maid nubbi áigu bálkestit ruskaduvdnái.

Blogga

Báŋkkuin leat neahttasiiddut gos olbmot sáhttet logget máksit rehkegiid, ohcat loanaid ja rudaid sirddašit. Neahttabánkkut leat álo rahpasat.

Oahppan sáhttá dáhpáhuvvat neahtas. Ollu allaskuvllat ja universitehtat fálllet olbmuide neahta bokte oahpu. Dat lea buorre sidjiide geat ássat guhkin eret daid báikkiin dahje gávpogiin gos leat universitehtat ja allaskuvllat mat fálllet iešguđetlágan oahpu. Sii sáhttet neahta bokte čuovvut oahpahusa, lohkat ja ságastit oahpaheddjiin.

Áviissat, TV ja eará mediat almmuhit neahtii ođasiiid dalán go dáhpáhuvvet. Dohko lea álki čállistit, filbmet dahje muitalit ja juohkit dalán go lea dáhpáhuvvan. Olbmot sáhttet kommenteret ja digaštallat áššiid ja ođđasiid mat almmuhuvvojit neahtii.