Stuorraservodaga doaimmat
Suodjalus
Politiija barggut
Sii geat bargget politiijan, galget geahččat bearrái ahte ortnet bissu doppe gos ollu olbmot leat čoahkis. Dat sáhttet leat ávvudoalut, festiválat, riemut, valáštallamat dahje miellačájeheamit. Politiija galgá maid geahččat bearrái ahte olbmot čuvvot johtalusnjuolgadusaid.
Sii bissehit biilavuddjiid ja isket sihke biillaid teknihkalaš beliid ja olbmuid. Politiijat sáŋastit ollu ja dáváj mánaiguin ja nuoraiguin. Dan sii dahket vai nuorat eai nu álkit seaguhuvvo lobihisvuodaide. Politiijat galget maid dutkat lobihisvuođaide mat leat dahkkon ja gáđjunbargguid jodihit.
Politiijat sáŋastit dáváj mánaiguin.
Buollin- ja suodjalusdoaimmahat
Buollin- ja suodjalusdoaimmahat galgá čáskadit jos ásodat dahje huksehus buollá. Dasa lassin galgá suddjet gieldda/suohkana álbmoga ja ealliid lihkuhisvuođain nu mo stuorra dulvviin ja eará luondduroasuin. Buollinčáskadanbiillas galget leat visot ávdnasat ja suodjalusat maid suodjaleaddjit dárbbašit. Sii galget oahppat ja hárjánit dákár vearalaš barggu hábmet čoavdit. Buollin- ja suodjalusdoaimmahat galgá maid skuvlahoppiid ja earáid oahpahit mo geavahit buollinčáskadanreaidduid ja mo sii galget eastadit buollimis.
Buollinčáskadeaddji čáskadeamen buollima.
Suodjalus
Norggas lea suodjalus mii galgá suodjalit riikka jos eará riikkat dahje vástaláččat áitet fallehit guovllu id mat leat Norgga riikkarájiid siskkobealde. Suodjalus goziha ahte Norgga ja Sámi álbmot galgá sáhttit oadjebas dilis orrut ja eallit. Dat lea deháláš bargu ja dasa dárbbašuvvojit ollu olbmot ja fievrrut dego girdit, skiippat, ja eará ávdnasat dego erenoamáš vearjjut, IT-reaiddut ja biktasat. Sii galget ollu hárjehallat ja leat gárvásat doaibmagoahtit jos dárbu.
Sii geat barget suodjalusas, sáhttet bargat máŋggalágán rollain suodjalusas. Muhtimat barget goahkkan, ja earát fas váksun dahje soalddáhin. Stuorraservodat vuordá ahte suodjaleaddjit dovdet iežaset rolla servodagas, ja ahte sii doibmet iežaset rollas nu mo njulggadusat muitalit.
Suodjaleaddjit hárrjehallamin.