Bearraša rollat

Mánáid rolla

Du rolla bearrašis lea mánná, nieida dahje gánda/bárdni, áhkut/ádjot, muoŧŧal, siessal, neahpi dahje oarpmealli/vilbealli, oabbá dahje vielja. Mánáid rolla lea dohkkehit ahte rávisolbmot mearrit ja bajáščesset du. Dađe mielde go stuorut, galggat don leat mieldde mearrideamen áššiid mat gusket dutnje. Servodat vuordá ahte don leat dál nu stuoris dahje boaris ahte don máhtát dábálaš olmmošvieruid ja ahte don máhtát láhttet dohkálaččat servodagas.

Mánáid rolla lea dohkkehit ahte rávisolbmot stivrejit ja nevot.

Eadni, gánda/bárdni ja áhčči.

Váhnenrolla

Váhnemiin lea váhnenrolla. Sudnos lea stuorra ovddasvástádus ja dehálaš rolla servodagas. Soai mearrideaba du badjel dassá go deavddát 18 jagi. Dat ii mearkkaš ahte soai sáhttiba dahkat dan maid háliideaba. Soai galgaba ovttasráđiid mánáid bajásgeassit. Dat mearkkaša ahte soai sáhttiba mearridit maid mánná galgá bargat ja maid ii oaččo bargat. Ovdamearkka dihte sáhttiba mearridit goas mánná galgá boahtit ruoktót dahje man ollu ruđa son oažžu lobi geavahit. Soai galgaba maid geahččat bearriái ahte mánát ožžot oahpu návccaid mielde. Mánná ii oaččo illástuvvot, fuonášuvvot dahje vuortnuhuvvot. Mánná galgá oažžut ovddasmorraša ja divššu. Váhnemat galget mearridit du ovddas. Dađe mielde go sturrot, galget mánát leat mielde mearrideamen áššiid mat gusket sijdiide. Servodat vuordá ahte váhnemat dovdet iežaset rolla ja váldet ovddasvástádusa bajásgeassimis.

Ii guhtege riegát ákšu gieđas

Áddjá ja mánaidmánná.

Ristváhnemat

Ii boares beana ciela duššiid