Lagašservodat lea báiki dahje báikegoddi gos don ja du bearaš orrot beaivválaččat. Lagašservodat lea unnit servodat gos olm mot dovddadit/diehtalit ja deaivvadit muhtimin beaivválaččat. Don ja earát geat ássset du lagašservodagas, leat dán servodahki gullevaččat. Dis leat oktasas njuloggadusat ja áddejuvmi dasa mo heive láhttet guđet guimmiin.

Plassje márkanbáiki.

Friddjaáigggefálaldagat

Lagásservodagas leat muhtin fáldagat gos olbmot sáhttet deaivvadit friddjaáiggis. Friddjaáigggefálaldagat dahket ahte olbmot loktet lagásservodagas, ja dat sáhttet boktit olbmuid miela ásaiduvvat. Dákkár fáldagat leat searvvit, gurrsat ja kulturfálaldagat.

Go ollugat beroštit seammá áššis, de sii servet oktíi ja ášahit searvvi. Searvvit sáhttet leat lášmmohallansearvvit, bivdosearvvit dahje politihkalaš searvvit.

Muhtin olbmot liikojit friddjaáiggis oahppat ođđa doaimmaid. Sidiijde leat dávjá fáldagat nu mo giellagurssat, duddjongurssat, bivdingurssat, dánsungurssat dahje málengurssat. Dákkár doaimmat leat eaktodáhtoláččat. Dat mearkkaša ahte daidda ii leat bággu searvat. Lagásservodaga olbmot daid ieža ášahit, ja gávdnet muhtimiid geat máhttet ja sáhttet oahpahit earáide.

Muđui leat kulturfálaldagat mat leat dušše návddašeami ja suohktastallama várás. Dat leat kino, girjerádjosat, teáhter, museat ja konsearrratt. Eanaš fáldagaid ovddas ferte máksit veahá.

Lášmmohallan lea dábálaš friddjaáiggedoaibma ollu nuoraid gaskkas.

Camilla liiko duddjot

Camilla liiko duddjot. Juohke mannjebárgga/disdaga son vuolgá kultur-skuvlla gursii oahppat duddjot. Dál son lea čuoldimin. ”Mu mielas lea suohtas deaivvadit ja hálšetit earáiguin geain leat seamá beroštumit go mus. Lea duodáid miellagiddevaš vá-sihit ahte mun gieđaiguin sáhtán duddjot atnuávdnasiid sihke sisttis, náhkis, čoarvvis, láiggis ja muoras.” Gursaoahpaheaddji lea hui gierdevaš. Čiŋaheapmi ja goarrun sáhttá leat áddjáš bargu, muhto dat šaddá loahpas hui čáppis. ”Go mun lean geargan duodjegurssas, de mátán ieš duddjot ollu ávdnasiid, biktasiid ja čiŋaid.”

Muhtimat liikojit duddjot friddjáiggiš.

Ella Márjá ja Ella liikoiba teáhtera čájáhallat. Soai geavaheaba ollu áiggi dasa hárjehallat.

Du rollat lagásservodagás

Mii leat buohkat oassin lagásservodagas, ja mis leat iešgudet rollat lagásservodagas. Don leat oahppi, skihpár, skuvlaskihpár, gránnjá, mánná, oarpmealli dahje vilbealli, lášmmohalli, ja ollu eará. Lagášservodaga rollaid bokte mii dávjja šaddat deaivvadit ollu eará olbmuiguin geat maid gullet seammá lagásservodahkii.

Dat mearkkaša ahte don it leat okto, ja dál leat nu stuoris ahte dutnje leat vuordámušat dasa mo láhttet iežat rollas. Lagásservodat vuordá ahte don válddat ovddasvástádusa iežat rollain. Ovddasvástádus ja vuordámušat lassánit dadje mielde go don stuorut.

Juohke lagášservodagas leat áiggiid čađa šaddan njulggadusat ja vuordámušat maid buohkat dovdet. Mii giitit biepmu, veahki ja skeaŋkkaid ovddas, ja mii dearvvahit vuorraset ja amas olbmuid. Mii eat gaskkalduhte ságasteami ja mii ráiddus vuordit vuoru. 

Mii veahkehit nuppi jos lea dárbu. Dákár njuolggadusat eai čuoččo láhkagirjjiin, muhto mii čuovvut daid liikká, go mii diehtit ahte earát lagašservodagas vurdet dan mis. Jos mii dahkat juoida mii ii leat nu buorre, de mii váldit ovddasvástádusa ja dahkat buori fas.

Dákár njuolggadusat dahje vuordámušat lagašservodagas, dagahit buori birrasa ja buori eallima buohkaide geat áss et doppe.

Gándarolla

Oahppirolla