2. Servodaga rollat - Čoahkkáigeassu

Servodaga rollat 

Rollat leat olmuid doaimmat servodagas. Juohke olmmoš sáhttet leat máŋga rolla servodagas. Áhcci sáhttá leat sihke áhči, buvdamielbargi, isit ja skihpár. Muhtin servodatrollaide mii riegádit. Dat leat sohkabeallerolla ja čearddalaš rolla. Dadástaga go stuorut, oaččut lassi servodatrollaid. Dakkár servodatrollat sáhttet leat oahppi ja skihpár. Rávisolmmožin beasat válljet servodatrollaid. Muhtimat šaddet doavttirin ja snihkkárin ja dahje dáiddárin. Servodat vuordá ahte juohkehaš doaimbmá bures iežas servodatrollas.

Nieiddat ja gánddat

Servodagas leat guokte sohkabeali, nissonbealli ja almmáibeaalli. Muhtin áššiid servodagas doaimmahit dábálaččat nissonat ja muhtin áššiid servodagas doaimmahit dábálaččat albmát. Dán mii gohčodit namain: sohkabeallerollat. Servodat iešgudet láhkai ávžžuha ja movttiidahčá nissoniid válljet rollaid mat leat albmáide dábálaččat, ja albmáid fas válljet rollaid mat leat nissonniidda dábálaččat. Dán láhkai eastadit ahte bargosajiin leat measta beare nissonat dahje albmát.

Ruoktu, bearaš ja sohka

Ruoktu, bearaš ja sohka leat unnimus servodat, muhto datte hui dehálas. Ruoktu, bearaš ja sohka leat dehálaččat go dan siskkobealde mii oahppat buot maid mii dárbbašit dása ahte birget servodagas. Servodagas leat máŋggalágán bearrašat. Muhtin bearrašat leat unnit ja earát fas stuorrát. Sohka lea stuorát go bearaš, ja das leat ollu lahtut. Mii eat soaite dovdat buohkaid seamma bures. Datte sohki gullevašvuohta addá oadjebasvuođa dovddu ja identitehta čielggasvuođa. Vuordámušat bearaslahtuidde leat ahte sii veahkehit ruovttudoalus ja ealáhusas nu fargga go nákcejit.

Bearráša ja soga rollat

Bearráša lahut ja rollat leat eadni, áhčči, dahje fuolaheaddjit, viejlat, oappát ja soitet vel muotát, siésát, ednot ja eagit, sivjogat ja mágat, áhkut ja ádját ja vilbealit ja oarpmealit/oambealit. Sohka lea stuorát go bearaš, ja das leat ollu lahtut. Mii eat soaite dovdat buohkaid seamma bures. Datte sohki gullevašvuohta addá oadjebasvuođa dovddu ja identitehta čielggasvuođa. Vuordámušat bearaslahtuidde leat ahte sii veahkehit ruovttudoalus ja ealáhusas nu fargga go nákcejit.

Lagašservodat

Lagašservodat lea báiki dahje báikegoddi gos don ja du bearaš orru beaivválaččat. Doppe ásset sii geaiguin mii deaivvadit dávjá, ja sii geaiguin mii oassálastit ovttas friddjaáiggefálaldagain, ja sii geaiguin mii ovttas skuvlla vázzit. Lagašservodat lea áiggiid čađa ovddidan njuolggadusaid ja vuordámušaid maid buohkat dovdagohtet dađistaga go sturrot. Dákkár vuordámušat sáhttet leat ahte olbmot dearvvahit go oaidnalit, dahje ahte mii bisánit veahkehit jos muhtin fáhkka gahččá dahje buohccá.